الحياة الزوجيه ... والمطاف الأخير

السلام عليكم ورحمه الله وبركاته

كيف حالكم جميع ... اتمنى انكم بخير وصحه وسلام


يمكن تستغربون من موضوعي هذا لكن والله من العذاب الي اشوفه فحبيت اني اوصل رساله للجميع وخاصه الذكور من المجتمع.

اعزائي .. قد نكون نجهل كثير الأمور عن تلك الأنسانه التي ستملك ما تملكه من حياتنا .. الا وهي الزوجه. وقد سمعنا عن امور كثيره تتعلق بتلك الزوجه من حقوق وواجبات و و و امور كثيره فعلا


وقد يستغرب الرجل لماذا انا اكتب هذا الشي .. هذا الموضع احببت ان اوضح امور عن الزوجه قد نجهلها او نعلم ما هي ونتجاهلها.


اعزائي يوجد تساؤل داما ما يدور في بالنا الا وهو :

من هو الزوج ومن هي الزوجه ؟؟ وما هي حقوق وواجبات كل منهم؟



في الحقيقه انا لن اخوض واتعمق في موضوع الحقوق والواجبات بين الزوجين

لكن احب ان اوضح رسالتي للجميع

وسؤالي هنا

كيف تكون حياة الزوج ؟؟ وكيف تكون حياه الزوجه ؟؟

بما اني رجل سوف اعبر عن حياة الزوج اليوميه

في الصباح عندما يحين موع النهوض ينتظر الفطار ويفطر وكوب شاهي ويعين من الله خير والملابس جاهزه وكل شي جاهز يكون .

ومن الصباح الين الظهر او العصر << على حسب الوظيفه في الدوام

بعد ما يرجع من الدوام يلاقي الغدا جاهز واموره تمام ويحط راسه وينام الين المغرب او يطلع يسوي له شغلات ويقضي للبيت

بعد المغرب للعشاء قهوه وشاهي او مع العيال يذاكر لهم اذا كان هتم او عنده عيال

وبعد العشاء الين موعد النوم صراحه هذا الوقت الي يحير اي رجل بالعالم ما يدري ايش يسوي بهالوقت


الله يعين كل رجل واهتماماته


نجي للزوجه


الزوجه من الصباح تقوم وتقوم الزوج وتجهز ملابسه والفطور وتصحي العيال ووجع راس العيال ...الخ

وبعد هذا كله اذا كانت موظفه او باقي تدرس من جد الله يعينها ترجع للبيت الظهر وتجهز الغدا وتستقبل الكل وهو راجع طبخ وغسيل صحون وهيهات من الدهون

والعصر تحتار تنام وترتاح ولا تكمل شغل البيت

نقول حرمه قويه شوي وتبي تكمل شغل البيت كنس وكوي وغسيل وتنظيف و و و و و و و و الين متى ؟؟؟؟ للعشاء للمغرب ؟؟على حسب

بعد العشاء باقي طبخ العشاء تطبخ وتنفخ ويا ولد ويا بنت لا هنا لا هناك

يعني وجع راس الحرمه بشكل فضيع (( ولا تنسوا باقي ما ارتاحت قلنا نتوقع انها قويه ))

يجي وقت النوم تنام الضعيفه متأخره وحالته حاله وعلى هالحال كل يوم



وقفات

متى يكون للزوجه وقت تهتم بنفسها ؟؟ او بزوجها ؟؟
متى ترتاح وتحس انها انسانه مثل البقية ؟؟
ليه نظلمها ونحسسها انها هذه هي مسؤليتها ؟؟وقفات
ليه نظلمها ونحرمها من الحنان والرومنسية ؟؟


نظرات واختلافات

عرفت ليه يالزوج الزوجه تطالب بخادمة او اثنتان ؟
عرفت لماذا تشعر انت يالزوج دائما بالنقصان ؟؟




وبعد كل هذه الأحداث والوقائع نعاقب زوجاتنا بالنكران والخيانه والمطالبه بزوجه اخرى لانها لا تهتم بنفسها ولا تبدي محاسنها وفي النهايه ننظر لها بنظره عصيان ونسيان



عزيزي الرجل

ليس هو بالحرام ان تشارك زوجتك بمسؤليات المنزل وتعطها بعض من الحنان والرومنسيه في تلك اللحظات.

ودائما قل لها انك جميله بكل الأحوال بمعنى صادق من داخل الفؤاد لا تحرمها شي واعطها كل شي لتعطيك ما تملك من حب وعطف وانسجام

دعها اميرة كيانك فهي تستحق كل شي بعد هذا العناء



خلاصة الرساله

جرب انت ايه الرجل في يوم من الأيام ان تفعل ما تفعله الزوجه فستعرف قمه العناء والشقاء .


عزيزتي الزوجه

بارك الله فيك وكان الله في عونك



تمت كتابه هذا الموضوع بعد تجربه مني انا ياسر العتيبي الملقب بالفارس مدير المنتدى


هدف الرساله : هي ارسال صوره واضحه لكل من هو مقبل على الزواج ليقدر معنى الشقاء التي تعانيه الزوجه فمنها يزداد الوفاء.


دمتم بخير احبتي