آخر طبخة عملتها هي الطبق الصيني سيزلينغ دجاج


هذي الطبق من الوجبات المفضلة عندي

وعلشان كذا حبيت أجرب أعملها في البيت وبحثت في الأنترنت عن الطريقة ولقيت أكثر من طريقة وماتقيدت بطريقة وحدة دمجت تقريبا طريقتين مع بعض


المقادير


4 صدور دجاج

نص حبة فلفل أخضر

نص حبة فلفل أصفر

نص حبة فلفل أحمر

ملفوف

بصل

حبة طماط

حبة جزر (مقطع قطع صغيره)

صلصة الصويا



طريقة التحضير


ننزع العظم عن الدجاج ونقطعه الى قطع صغيرة

بعدها نحط قطع الدجاج في الخل ونخلطه عليه طحين (نفس طريقة البروستد)

بعدها نحطه في الثلاجة على الأقل 4 ساعات عشان يتماسك عدل


وهذا صورة الدجاج بعد ماطلعناه من الثلاجة

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


بعدها نحط شوية زيت في المقلى ونقلب الدجاج فيه لين يصير لونه أصفر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


بعد مايستوى الدجاج نخليه على جنب ونبدأ نسوي الحمسة الي مع الدجاج

بعد مانقطع البصل نحمسه مع شوية زيت

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


بس مانحمس البصل واجد أول ما يبدأ لونه يتغير نضيف له باقي المقادير

3 أنواع الفلفل والملفوف والطماط والجزر

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


نحرك المقادير لمدة 5 دقايق وبعدها نضيف عليه ملعقتين ونص من صلصلة الصويا

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


ويصير شكله كذا بعد خلطه مع الصويا

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


نضيف عليه الحين الدجاج الي سويناه قبل

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


ونبدأ نحرك المقادير لمدة 10 دقايق ويصير شكله بهذي الطريقة


[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


و يقدم للأكل

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]


وبالهنا وبالشفا