قصص و روايات و مذكرات خاصهقصص عربية , قصص أطفال , قصص غراميه , قصة قصيره , قصة طويلة , روايات , قصص واقعية , قصص من نسج الخيال , قصص موروثة , حكايات عربيه , قصص طريفه , قصص السيرة , قصص الأغبياء
كنت مثل آي شاب في العشرين في عمره محافظ ماعندي آي علاقه مع البنات حياتي عاديه طالب في جامعه آخر سنة لي وحالتي الماديه ميسوره والحمد الله حياتي هاديه في بيتنا ملحق خارجي دايم أجلس فيه لحالي ماعندي أخوان بس خوات بنات يعني وبنت عمتي ساكنه عندنا بعد ما توفى ابوها وأمها الله يرحمهم
يوم الإربعاء طالع من جامعه واتصل واحد من اصدقائي
_هلا وغلا
_هلابك
_مسرع ماشتقت لي توني معك في جامعه
_شفت عاد هذا الحب مايسوي
_الله يسلمك يوم حبتني
_هههاي اسمع بس اليوم بنطلع مع شباب تروح معنا
_ أكيد رايح ياالطيب بس الساعه كم بتطلعون
_٨ليل والمكان نفس الكوفي شوب
_صار
سكرت منه ورحت البيت تقريبآ كل يوم اربعاء هذا حالي انا واصدقائي نطلع على ثمان ومانرجع ألا فجر
تغديت وريحت شوي في غرفتي داخل الفيلا قالت لي أختي انهم بيروحون لعمي لكن انا رفضت واصريت اروح لربعي
صحيت على صوت ابوي وهو يصحني لصلاة العصر رحت وصليت ورجعت ودخلت لغرفتي بسلام ورجعت نمت
تقربيآ هذا نظامي يوم الإربعاء من الظهر إلى العصر نايم وما أصحى ألا للصلاة وأرجع انام الى المغرب
صحيت ورحت للعيال في الكوفي شوب وسهر إلى ١٢ قلت لهم اني برجع للبيت ابي انوم وخذيت كذا تعليقه من الشباب بس انا بطبعي ما أهتم
مرت شهور وأنا على هالحال بدت الإختبارات ولهيت معها إلين عدت هالمرحله
بصراحه انا أحسها من أصعب لحظات في حياتي هي الأختبارات تخرجنا قررنا نحتفل انا والشباب بها المناسبه وحددنها في المقهى لما جيت ابطلع وقفتني أختي
_ ابيك تودنيا زواج
_ألحين
_ايه ابوي راح قبلنا هو أمي
_طيب بسررررعه أنا مستعجل
_مشكور يا احلى أخ
طلعنا انا وخواتي وصلت لقاعه القاعه كانت قريبه من البيت مره فوصلت بسرعه لشباب وما تأخرت جلست وانواع الضحك والتعليق على بعض طبعآ جلسه شباب مستحيل تكون بدون بلوتوث جوالي ماكان يجيه رسايل يمكن علشان الإسم اللي انا حاطه مدري كانت الرسايل بلوتوث عااااادية ما كان فيها شيء وقفت وانا معصب
_شباب بتسكرون بلوتوث ولا بطلع
واحد من شباب
_منقهر
_لا والله بس حنا جاين نوسع صدورنا ونسولف مع بعض مو نجلس ساكتين شفوا بعطيكم ٥ دقايق ان ما سكرتوا رحت
انا بروح اجيب لي كوفي أحد يبي
طبعآ محد رد علي رحت وطلبت لي كوفي وانا انتظر جتني رساله من حلو ؟؟
حطيت قبول وجلست انتظر الرساله توصل كتب على الشاشه (رسالة جديدة) أخذت الجوال توني بفتحها ألا يوصل الطلب حطيت الجوال في جيبي ورجعت للشباب
_شباب والله بطلع
واحد من الشباب_خلاص خلاص سكروا ياجماعه
سكروا وجلسنا نسولف تقريبآ ساعتين واستأذنت وطلعت وانا في السيارة طلعت جوالي شفت الرساله سويت خروج واتصلت على أختي بسألها اجي أخذهم ولا لا قالت لي انهم بيرجعون مع ابوي قلت خلاص وتوني بسكر سمعت صوتها لكن انا سكرت رجعت واتصلت لكن ما سمعت وش تقول من الإزعاج اللي عندها فقلت أن شاء الله وسكرت الخط ورجعت لبيت طلعت لغرفتي داخل الفيلا واتسبحت انسدحت ابنوم وخذيت الجوال بحط المنبه لصلاة الفجر تذكرت البلوتوث رحت للوارد وشغلت كان مقطع من فلم يمكن هذي أول مره أشوفها انشحنت وحسيت اني ابي افرغ طاقتي وبس
في مين ماهمني سمعت صوت برا وطلعت شفتها هي واقفه تنتظر مويه تغلي هجمت عليها مارحمتها ولا رحمت توسلاتها لي ولا كلامها ولاحتى تذكيرها لي بـــ ربي ما رحمتها
حسيت بكف على وجهي كان منها أهي
_الله لايوفقك
هالكف صاحني على مصبية شفتها وهي تدخل غرفتها اما أنا فجلست استوعب اللي صار ساعه بكيت ودخلت غرفتي أول شيء شفته هو الجوال خذيته ورميته على الجدار أكثر من مره الين تكسر وعرفت ان أختي كان تبي تقولي ان بنت عمتي في البيت فلا تدخل
دخلت لدورة المياه (الله يكرمكم) وتسبحت وطلعت من البيت بعد مارميت الجوال أخذت ادور في الشوارع من دون هدف ولاهدى كانت دموعي على خدي تذكرت عمتي وزوجها وهم يوصونا على بنتهم زاد بكائي عندي وصرت اشاهق من الصياح تذكرت ابوي وش راح يسوي لو درى آآآآآهـ وقفت عند نقطه تفيش اكتشفت أني ماسك طريق مكه عطية اوارقي وكملت طريق كله بدموع حسره حسبي الله ونعم الوكيل وصلت الميقات عيوني وخشمي أحمر من كثر مابكيت احرمت وقلت اباخذ عمره لكن ردت علي كلمه كانت زلازل بنسبه لي أنت زاني انت زاني شلون تعتمر وأنت زاني لو اجلس من الحين إلى بكره اكتب لكم شعوري ماراح اوفي جلست حسيت رجولي ماتقدر تشيلني ابدا جاء عندي رجال كيبر في عمر يسألني عن حالي وليش هالدموع وكل ماسألني سؤال كانت دموعي جواب ماقدرت أتكلم ولا كلمه حاول يهدي فيني لكن أنا ماهديت راح من عندي ورجع ومعه مويه شربني لاني كنت ارجف وقرى علي قرآن هديت شوي وفقت وقبلت راس الرجال ومشيت ماتكلمت ولا كلمه لان حسيت أن لساني انشل انربط شغلت سيارتي وكملت طريقي تذكرتها هي المسكينه وش حالها ؟وش سوت قالت لأبوي ولا لا؟ ياترى ابوي وش راح يسوي ؟ آآآآآآآآآآهـــ ياربي استر علي وعليها يارب يارب يارب
وصلت للحرم أعتمرت حسيت أني حراااام اجلس مع هالناس احسهم طاهرين بكيت من قلبي وصليت ودعيت أن ربي يغفر لي ويرحمني ويستر علي وعلى بنت عمتي ويقدرني وأستر عليها
رحت الفندق واستأجرت لي غرفه ابي انوم لكن وين يجي نوم وأنا أفكر فيها قمت ونزلت ورحت محل اتصالات واتصلت على جوال أختي بس ماردت خفت رجعت ودقيت مره ثانيه وثالثه ورابعه ردت علي
_الوو
عرفت صوتي
_وينك يأخوي عجزنا وحنا ندق عليك وجوالك مقفل
_جوالي خربان المهم وش أخباركم
_حنا كلنا بخير وصحه ألا أنت وينك
_انا في مكه
_في مكه
_ ايه مكه
_ادع ان ربي يسهل لك أمورك وخطيبتك توافق عليك
_خطيبتي
_ايه خطيبتك ولا ما عجبتك بنت عمتك ولا نسيت انك خاطبها من زماااااان أمس ابوي كلمها وقالت بفكر ولما عرفت انك أنت اللي بتودينا الزواج رفضت تروح معنا
_بتصل عليك بعدين وسلمي عليهم مع سلامه
سكرت منها بدون لا اسمع ردها حسبي الله عليك يا اللي أرسلت لي هالرساله حسبي الله ونعم الوكيل
رجعت الغرفه ومن تعب نمت ما حسيت بإحد
صحيت على إذان الفجر غسلت ورحت الحرم وصليت ورجعت جلست يومين وكله دعاء انها توافق واستر علي وعليها وادعي علي صاحب الرساله
رجعت لبيتنا حسيت بألم في صدري وحسيت بضيق شغلت القرآن الكريم وبديت أحس براحه ألا أني أحاس ان صاير شيء لهلي وصلت ورحت الملحق وجلست فيه بالعاده إذا رجعت من سفر ولا شيء ادخل على طول داخل البيت لكن الحين الوضع أختلف
جلست انتظرهم ومن شده التعب نمت مدري كم ساعه ماحسيت الأ بيد ابوي على كتفي قمت من نوم مفزوع ابوي متغير لون وجهه واحس انه حزين
_يبه وش فيك
_ياولدي إذكر الله
_لا إله الا الله محمد رسول الله
_ياولدي انت مؤمن وأن شاء الله انك صابر و....
قاطعته حسيت أني بنجن
_يبه مين اللي ماااااات
_بنت عمتك
دارت الدنيا فيني وماحسيت ألا وأنا في المستشفي أكتشفت ان لي يومين قمت وطلعت من المستشفى ولا أهتميت بكلام الدكاتره وصلت بيتنا ودخلت لمجلس الرجال اول من شفت ابوي رحت له ركض ضمته وبكيت في حضنه حاولوا الناس يهدون فيني لكن ذنبي أنا أعظم ؟ انا من قتلها بيده هذي؟ محد حاس فيني ولا وش شعوري غيري انا ؟
_الله لايوفقك
_الله لايوفقك
_الله لايوفقك
هذي كلمات اللي ترن في اذني أول ما دخلت
بعد اسبوع من العزا عرفت انها ماتت وهي تقرى القرآن بسكته قلبيه وانا من يومها كاره الحياة ودي أموت وأرتاح جاتني أختي لغرفتي أو الملحق لأني رفضت ادخل داخل الفيلا
_ياخوي إذكر ربك هذا حال الدنيا شف حالك كيف يإخوي انا احبها أكثر منك بس ما وقفت الحياة
آآآه تحبينها ياليت كنت احبها وبس ياليت ياليت
_ياخوي تكلم قول شيء
طالعت فيها وابتسمت
_تدري بنت عمتي الله يرحمها وافقت عليك قبل لا تموت وقالت هذا ظرف عطيه لأخوك
_وين الظرف ؟؟
طلعت من جيبها ظرف صغير اعطتنياه وباست راسي وطلعت الكل فكر اني حالتي من حبي لها لكن مايدرون اني حقير وأحقر من ما يتصورن فتحت الظرف وكانت الرساله مكتوب فيها
بسم الله الرحمن الرحيم
ثق اني ماوافقت عليك حب فيك لكن علشان خاطر خالي بس ولا انت احقر من أني أعيش معك إذا ماخذيت حقي في الدنيا فاالآخر عند الجبار نجتمع
الرساله سببت لي صدمه قويه دخلت مستشفى واكتشفت ان معي القلب وانسداد في شريان جلست أكثر من شهرين وطلعت بدون ما اسوي العملية
حياتي ما توفقت فيها ابدا برغم من أن تخصصي مطلوب او اجلس كذا شهر وانفصل من الدوام وكل ماقررت اسوي شيء ما اتوفق وتأكدت ان هذي دعوت بنت عمتي الله يرحمها
لي ثلاث سنوات بعد هالسالفه ادعي ليل نهار على من أرسل لي رساله بلوتوث لانها دمرت حياتي
بنت عمتي ماتت وانسترت لكن انا ادفع الثمن ألا الآن
حياتي مافيها شيء يسلني سوى صلاتي وقراني قطعت علاقتي مع الناس بدون سبب وصرت وحيد في هالدنيا حياتي مالها آي طعم دموعي على خدي كل يوم
تغير حالي وصرت دايم ساكت ومعزول عن العالم كله حتى أمي وابوي ماعاد صرت اجلس معهم احس أني حقير أذا جلست معهم وأحس أني بفضح عمري وربي ساتر علي
اللي ارسل الرساله ادعي عليه ليل نهار
ونصيحه اللي عنده مثل هذي المقاطع يتخلص منها ولايرسلها لا أحد وصدقوني انهم بيدعون عليك ليل نهار وما راح تستفيد من ارسالك لهم ابد الأ الدعاء عليك وللي يستقبل لا تستقبل من آي أحد ألا أذا أنت تعرفه
هذي قصتي من اتعظ منها اسأل الله له توفيق
ومن لم يتعظ اسال الله له الهداية
لم اكن اريد كتابتها لولا الحاح أخي وصديقي ان اكتبها بعد ان عرفوا قصتي
08-29-2008, 09:46 PM
مقطع بلوتوث دمر حياتي .. ( واقعيه ) ...
