- عرض مشاركة واحدة - خاص لعشاق الشكولاته .. (( حلو يسيل له اللعاب ))

02-19-2008, 08:16 PM

السلام عليكم ورحمة الله وبركاته ..

هذا الحلى خاص للناس اللي يعشقون الشكولاته..

جربوه وصدقوني ماراح تندمون..

المقادير:
2 كيك سارالي أو أي نوع كيك اسفنجي بس شرط يكون بالشكولاته..
1 غرشة متوسطة شكولاته نوتيللا ( العلبة الزجاجية )..
1 قيمر كويتي..
1 كريم كاراميل..
1 حليب شكولاته جلكسي أو ( k.d.d )..
1 شكولاتة فليك أو جلكسي ريبل..

الطريقة :

نقطع الكيك بيدنا ( نفرفته ) لين يصير مثل التراب .. بس كل علبه تكون لوحدها ..

وباقي المقادير نحطها في الخلاط. ما عدا الفليك..

بعدين ناخذ ملعقة أكل كبيرة وناخذ شوي من خلطة الشكولاته اللي راح تتكون عندنا ونمسح به قاع البايركس الزجاجي..

بعدين نحط اول طبقة من الكيك ونضغط عليها بشكل خفيف لين تتساوى أطرافها ( الضغط يكون بشكل خفيف جداً ).. ومرة ثانية ناخذ الملعقة الكبيرة وناخذ بها شوي من الخلطة ونحط شوية من خلطة الشكولاته فوق طبقة الكيك ..

نحط الطبقة الثانية من الكيك ونضغط عليها بنفس الطريقة..

واخيراً نصب فوقها خلطة الشكولاته ونكسر الفليك ونرشه فوقها ..

وندخلها الثلاجة شوي لين تتماسك ..

وبالهنا والشفا..

تحياتي..