- عرض مشاركة واحدة

02-18-2008, 05:48 AM

إقرأ الموضوع إلى الأخير

وتأكد إنك أنت المستفيد وراح إتحس براحه رهيبه :

شوفوا يا إخواني وأخواتي. أكيد إنكم شايفين الناس هالأيام إشلون قاعدين يسعون ويتفننون في طلب الرزق..

هذا: راح يأخذ قرض ويدخل بالأسهم

والثاني: طول يومه بمعارض السيارات

والثالث : تصلخ جلدة بالصناعية لطلب الرزق

والرابع: أرهق عيونه من كثر ما درس وسهر وتعلم ..

والخامس : ما يشوف أهله من كثر ما يدور بالمخططات والمساهمات العقاريه ..

يبي يترزق ويتزوج عشان يجيب إعيال ويكون أسرة.

و و و.. وبصراحه ما أحد يلومهم الكل يريد رزقه يكثر ويزيد ويفرح وينبسط بحياته. وللأسف إن البعض هاليومين تخرج من الدراسة وقعد بالبيت ويسب ويلعن في فلان وعلان بسبب أنه ما لقي مراده في وظيفة تستر عليه وتسد حاجته

بس فيه شغله ناس كثير جدا جدا ما فكروا فيها حتى أكبر العقليات الإستثماريه
ما جات على بالهم

إلا من رحم ربي

يقول الله سبحانه وتعالى:-

{فقلت استغفروا ربكم إنه كان غفارا* يرسل السماء عليكم مدرارا * ويمددكم بأموال وبنين ويجعل لكم جنات ويجعل لكم أنهارا * }

الإستغفار : يا ناس يا عالم الإستغفاااااااااااااار

سبب رئيسي لكل رزقنا في حياتنا ...

حاول قد ماتقدر إنك ترطب لسانك بالإستغفار

قمت الصبح استغفر

رايح للدوام استغفر

قاعد بالمسجد استغفر

جاي للبيت استغفر

لعنت فلان استغفر

أغتبت فلان استغفر
عملت منكر استغفر

شفت منكر استغفر

ما سويت أي شي استغفر

لازم الإستغفار ملازمة جازمة

من فينا ما يحب المطر؟

من فينا ما يحب المال؟

من فينا ما يحب يكون عنده أولاد وبنات ؟

من فينا ما يحب يعيش بوسط جنات وأنهار في الحياة الدنيا؟

هذي كلها ما هي مستحيلة على رب العالمين سبحانه وتعالى،
الله قادر إنه يحققها لنا بس إذا حققنا المطلوب منا. وما هو المطلوب
منا.؟ شي واحد وبس. ولا أسهل منه{..الإستغفار}والإكثار منه.
زين ماشي والنتيجة؟

أنا أقولك النتيجة : النتيجة عسى ربي يحفظك
ويسلمك إن الإستغفار سبب في نزول المطر بإذن الله

وسبب في زيادة الرزق و زيادة المال..
وسبب في إن الواحد منا يرزق بالذرية الصالحة إن شاء الله

وسبب في تحول أراضينا إلى جنات وأنهار.

(استغفر الله الذي لا إله إلا هو الحي القيوم وأتوب إليه)

ملاحظة مفيدة..
إذا استغفرت ربك الحين أكيد إن لك أجر... طيب لو جاء بعد سنه مثلا وجاء ألف واحد يستغفرون وإنت لك مثل أجرهم بالضبط...

إشرايكم ....؟
زين تخيلوا كم عددهم بعد سنتين... ثلاث... عشر سنين؟ زين تخيلوا إن هالشي
ما يكلفك ولا شئ. ما يكلفك إلا تقريبا 20ثانيه .إشلون..؟

استغفرالله......

أخوكم تاج المراجل