سالم الفروان ( الهواجيس )

05-27-2008, 06:37 PM

سالم الفروان ( الهواجيس )

البارحه كثرت علي الهواجيس
= قامت تصلفق بي يمين وشمالي

من كثرها قمت اتعوذ من ابليس
= اعوذ به بسم العزيز الجلالي

مرات اهوجس بالعيون النواعيس
= اللي غدت مني وعزي لحالي

مرباعها ماقد وطوه العواسيس
= في وسط قلبي غالين عند غالي

فالزين فارق في جميع المقاييس
= ومكمله ربي بزين ودلالي

لا شفتها اختلطت جميع الاحاسيس
= ماعاد اميز بين مرن وحالي

عندي قناعه ان حبها عرش بلقيس
= لكن ياليته دام فأول وتالي

والعامريه حبها قد ذبح قيس
= وانا شهيد لعين ذيك الغزالي

ياهل الهوى بكتب بدمي قراطيس
= وصية كليب العرب للعيالي

قولوا لها فالحب لا جوا جواسيس
= اهل النميمه والحسد قيل وقالي

ناسن لهم رايات خلف الكواليس
= اللي مساعيهم لقطع الوصالي

وقولوا لها لا شفتها فيس تو فيس
= كني ملكت الكون واصبح حلالي

هذي وصاتي وخل عنك الوساويس
= اما يمين الدرب ولا شمالي

05-28-2008, 07:02 AM

يعطيك العاغيه

05-28-2008, 01:59 PM

وقولوا لها لا شفتها فيس تو فيس
= كني ملكت الكون واصبح حلالي

ههههههههههه

يسلمو قصة شارع ..

تقبل مروري..

05-30-2008, 02:02 PM

اقتباس:

المشاركة الأصلية كتبت بواسطة تاكي

يعطيك العاغيه

الله يعافيك تكووووووي ,,,

05-30-2008, 02:04 PM

اقتباس:

المشاركة الأصلية كتبت بواسطة القحطانية

وقولوا لها لا شفتها فيس تو فيس
= كني ملكت الكون واصبح حلالي

ههههههههههه

يسلمو قصة شارع ..

تقبل مروري..

مرورج بلسم القحطانيه ,,,

تحياتي لسموج ,,,

08-01-2008, 05:13 PM

السلام عليكم ورحمة الله وبركاته

أشكرك أخي الكريم على نقل القصيده

وهذا سبب تسجيلي في منتداكم الجميل

تسلم ومشكور على نشر القصيده

وأشكر كل من دخل وشارك

أخوكم : سالم الفروان

سالم الفروان ( الهواجيس )

البوح الشعري