كفآآية ..!

03-27-2008, 04:24 AM

قصيدهــ
{للشاعر
طارق المحياس
الالـقاء كـان بقــمة الـصدق والـقوهـ

وربي رووووعه
طويله شوي ... لكن تستحق ,, ان نقرأها ,,, ونسمعها

.

كفـــــــــاية صار لك شهــــــــــرين غايب عني يالغــالي
كفـــــــاية يا أعـــــز الناس ترى والله ما أقــــــــــــــدر
دخيـــــلك لا تخيـــــــب فيك هقــــــواتي وآمالــــــــــــي
واذنها عالصــــــــــــبر والله وغلاتك عندي راح أصبر
أبتحمــــــل عنا فرقاك وحالـــــــي يرثـــــــي لحــــــالي
مع انـــــــي والله لين اليوم مدري ليش بس تهـــــــجر
أبعرف شو السبب أرجوك وش اللي بس يجـــــــرالي
اناشسويت يا ربــــــي عشــــــــان تثور وتتفجــــــــــر
انا اولله ما اســـــــــــتاهل أبد كــــــل اللي جـــــــرالي
أقل ما فيـــــــها بس قلي سبـــــب خلاك تتغيـــــــــــــر

أبعرف بس شالموضــــوع علامك صرت ما تبالــــي
بذمت كل اهلك فيــــــوم شفتنــــــــــي بشي انا مقصر
عطيـــــتك قلبي وروحـــــــي وهبتك حالـــي ومــــالي
حملــــت احساس هالدنيـــــا عطيتـــــــه لك وانا افخر
عشقــــــتك عشـــــق لا قبله ولا بعده انعـــــشق تالي
هويتك مـــــــوت واتخيل الين المــــــــــــوت واتصور
واذا جاني مســــــج منك مخــــــــــــزن رقمك الغالي
ولا امســــــــح رســـــــــــــالاتك اتم اقراها وافكـــــر
واحلل كل كلمـــــــــة بالمســـــــــــــج الله يا غربالي
واقول بخاطري معقـــــــــــــوله حاسس فيني ويشعر

وأرد أقول لأ يمــــــكن تذكرنــــــي وهو سالـــــــــــي
لأني تونــــــــــــــــي مطرش مسج طرش مسج يشكر
وأرد أقول لأ أدري يبينــــــــي وحاسس بحالـــــــــــي
وأرد أقـــــــول لأ ما اظن على باله انا اخطـــــــــــــر
الين اني انا تأكدت قلبــــــــــه بالفعــــــــــــــــل خالي
ولا غيري انا فقلبه يحبنـــــــــــــــــي موت ويقـــــــدّر
لأني مرة من المــــــــرات طرت فكـــــــرة على بالي
نويت أزعل بدون اســــــباب واشوفه لو بيـــــــــتأثر
أبعرف قدري بقلبه بيهمه وضعــــــــــــي الحــــــالي
أو انــــــــــــــه رح يطنشنــــــــي ولا يسأل ويستفسر

وفعلا دق ما جاوبت حـــــــــــــــــرق لي والله جوالي
3000 مرة دق وانا مطنش ولا معــــــــــــــــــــــــبّر
كتبلي بالمســــــــــــــــــــج اطلع انا عند بابك الحالي
قســـــــــــــــــــم بالله ما تطلع لخربها انا واحـــــــــدر
ومشكلــــــــــتي أعرفه زين يسويها ولا يبـــــــــــالي
نزلت وخاطره مكســـــــــــــــــــور يقول اشفيك متغير
وقلت له بس أبتأكد اذا قــــــــدري معـــــــــــك عالي
ضحكلي وقال لي اتأكـــــــــــــدت ودمعه بلل المحجر
وطارت فيني الدنيا لمكاني صاحبـــــــــــــــــــي جالي
تعذرلي وانا الغلطان واانا اللي لازم اتعـــــــــــــــذر

بعدها عشت انا احلى أيام في قربه هنيـــــــــــــــالي
وصلنا لمرحلة ما نفترق عن بعضنا واكــــــــــــــثر
بعدها فجأة خلاني ولا يسأل عن احــــــــــــــــــوالي
وانا في خاطري أدري محال فيـــــــــــــــــــوم يتغير
أدق له ما يجــــــــــــــــــــاوبني بديت أشك في حالي
أخاف انه حصلــــــــــــــــــــه شي اخافه بس متكدر
لعب في قلبــــــــــــــــــــي الوساس خياله ما تهيالي
حوالي1000 مسج ارسلت حبيبي يا عسى ما شر
ولا جاوب وانا قاعد على اعصـــــــــــابي وغربالي
حبيبي صار له اســــــــــبوع فيني حتـــــــــى ما فكر

الين اني عرفت اشلـــــــــــــــون أخلي خلي الغالي
يكلمني وجت فكرة بعد ما مـــــــــــــــــــت وانا افكر
وفعلا اتصل فيني وبدت احــــــــــــــــزاني واهوالي
وكانت صدمتي كبيرة علي الغالي يتكـــــــــــــــــــدر
وكانت صدمتي كبيرة علي الغـــــــــــــــــــالي يتغير
سألته قلت له وش فــــــــــــــيك ما من شر يالغالي
وش اللي صار بالدنيا علامك ليش متبعــــــــــــــثر
او انك يعني ما تدري بدونك صرت انا لحــــــــــالي
ولا لي خلق أي انسان كثر ما فيك انا افــــــــــــكر
جاوبني وقال ارجــــــــــــــوك أبي هالدنيا تصفا لي

انا مليت من وضعي وأشوف الكل متغــــــــــــــــير
انا ضاقت بي الدنيا وابي أبقى انا لحــــــــــــــــالي
خلاص اتركني لا تسأل وانا برجع عقب اشهــــــر
وقلت له مو علي تكذب أعرفك تضعــــــــف قبالي
تكلم قول شالموضوع بدى قلــــــــــــــبي يدق أكثر
سكت لحظة وقال أرجوك ابعد عني يالغــــــــــــالي
وخلني أذكرك بالخــــــــــــــــــــير وانت مثلي اتذكر
ولا ترسل مسج واحــــــــــــــد ولاتدق لي أبد تالي
واذا لي خاطر عندك لا تتكلم أبد سكــــــــــــــــــــــر
قلت له والله ما سكــــــــــــــر الين تقول وتصفا لي

قال لي والله ما اتكلم ولو تبكـــــــــــــــي دمع أحمر
ولكن شوف ربعك وانت تعــــــــرف بس وش جالي
خلاص افهمها عالطاير لا تحــــــــــــرجني بعد اكثر
وسكر والدمع فيني على الخــــــــــــــــــدين همالي
قســـــــــــــــــم بالله ما ادري علامه قلبـــــــه تحجر
فؤادي انهار وانا حملـــــــــــــــــي يهد جبال وجبالي
في لحظة صارت الدنيا في عيني هالكبر واصغــــــر
حســـــــــــــافة ما توقعته يصدق فيـــــــــــني عذالي
حسافة ما هقيته يوم يصــــــــــــــــــــــد عني ويتغير
بعدها صار لي ما صار وربي يعلـــــــــــــــــم بحالي

فؤادي باقي بس شوي واحسه من الجســــــم يظهر
بديت اعرق مدري ليــــــــــــــــش وخابت كل آمالي
انا توقعت كل الناس ولا توقعت هو يـــــــــــــــــنكر
وقلت بــــــــخاطري خله مصيره يرجع الغـــــــــالي
أكيد انه سمع أي شي وجوّه صار مـــــــــــــــــتعكر
ولكن طول غيــــــــــــــــــــــابه وزادت فيني علالي
مرض قلــــــــبي تعب فكري واحسه جسمي متخدر
وقلت خلني ارسله مســــــــج وأشكي له احوالي
وارسلت المسج وشـــــــوي دق لي ودون ما افكر
هلا والله يا اغلى الناس هلا والله بالغـــــــــــــالي

ألو طارق ما قلت لك لا تذكرنـــــــــــــــــي أو أذكر
أبي بس أذكرك بالخير ياخي خلـــــــــــني في حالي
وقلت وخاطري مكســـــــــــــور انا اسف وما كرر
قســــــــــــم بالله لين اليوم حالي يرثي لحــــــــــالي
قســــــــــــم بالله لين اليوم ولا ادري ليش هو تغير
قســــــــــــم بالله ما غضت عيونـــي ولا هدى بالي
قســـــــــــم بالله ما مر يوم إلا وفيـــــــــــه انا افكر
قســــــــــم بالله قـــــــــلت بنساه بس طيفه يتهيالي
قســــــــــم بالله لو حالوت انا انســــــــــــــاه اتذكر
الين اليوم انا عندي أمل يرجع ويصفالــــــــــــــي

أقول الشــــــــــــــوق بي رده على فرقاي ما يقدر
إلين اليـــــــــــــوم و ضحكاته وبسماته على بالي
الين اليــــــــــــــوم ما أرقد كثر ما فيــــه انا افكر
أبعرف شو السبب ارجوك وشللي بس يـــجرالي
اناشسويت يا ربي عشـــــــــــــــــان تثور وتتفجر
انا اولله ما اســــــــتاهل أبد كل اللي جـــــــــرالي
أقل ما فيها بس قلي سبــــــــــــــــــب خلاك تتغير
أبعرف بس شالموضوع علامك صرت ما تبالي
بذمت كل اهلك فيوم شفتنــــــــي بشي انا مقصر
انا رح انتظر ردك ولو حتى بمســـــــــــــج خالي

واذا ما جاني منك رد وغلاتك عندي راح اصــبر
سنة سنتيــــــــــــــن اللي يهم أشوفك ثاني قبالي
3 سنين او أربع أبصـــــــــــــبر يعني راح أصبر
ولكن حكم احساسك وجاوب يا أغلى كل غالــي
بذمة والديك يهون تنـــــــــــــساني ولا تذكـــــــر
يهون انك تخليني ولا تسأل ولا تبــــــــــــــــــالي
يهون انك تنام اللي وتتركـــــــــــــــــني انا أسهر
كفاية صار لك شهـــــــــــرين غايب عني يالغالي
كفاية يا أعــــــــــــــــــز الناس ترى والله ما اقدر
دخــــــــــــــــــــــيلك لا تخيب فيك هقواتي وآمالي
واذنها عالصبر والله وغلاتك عندي راح أصبر

واذا تبون تسمعونها صووت..
تلاقونها فالمرفقات..

وسلآمتكم..