روضه ودارين مقدمات شاعر المليووون

03-05-2008, 05:29 PM

ما به مقارن بين روضة ودارين

الفرق واضح والحلا بالقصيره

الحق حق وأكثر الناس دارين

إن الأميرة دوم تبقى أميره

سلام يا رمز الحلا والمزايين

سلام والمرسل مشاعر مثيره

ثارت من القلب الهواوي براكين

وسارت ودارت في ربوع الجزيره

واضفت على دار الظبي قبل يومين

مع شاعر المليون تبدا المسيره

واستقبلت من اقبلت تنقل الزين

يا مرحبا يا مرحبا يا مديره

ورده وأحلى من جميع البساتين

شمعه وتبقى بالحلا مستنيره

يوم اقبلت رجت عقول الرزينين

وكل ٍ يردد قال يالله خيره

وانا الصراحه قمت ومبزر العين

قالوا خطيره قلت والله خطيره

قالوا ترى روضة تفوق الملايين

قلت اسكتوا يا اهل العقول الصغيره

أدري طويلة طولها تقل مترين

لكنها بالزين ما هي خبيره

تلطخ من المكياج من ليل الاثنين

ومـن الصباح الين حد الظهيره

صحيح كنت أذوب لا قالت احين

لكن حلا دارين ما اريد غيره

ذوق وأناقه باللبس والفساتين

عقل ورزانه بالحكي مستديره

يا خوي روضة وين والزين ذا وين

هذا الجمال وخل عنك الفقيره

الزين يبقى والفنا دوم للشين

ودارين تبقى في عيوني أميره

يا جوهره ما يشترييها الرديين

يا غاليه يا راقيه يا كبيره

تستاهلين العشق واغلى الدواوين

واليوم بكتب لك من الحب سيره

واغيض عذالك ولو هم كثيرين

وادعي على عين الحسد بالضريره

تدرين وش أنتي ولا اظن تدرين

أنتي القمر والكل حولك تنيره

حسنك سطا قلبي وفزتي بشيين

القلب حبك والمشاعر أسيره

واعلنت انا تصريح وقلته بشطرين

يخصني واللي يبي يستعيره

أكبر هديه هالسنه شوف دارين

واول فشيله طردتك يا منيره

ملطووووووووووووووش من ايميلي ,,,,