قصه سعوديــــــه تجنن ((بيـــــن ثنايــــا الأيــــــام)) لاتفوتـكم

02-14-2008, 01:09 PM

____________
بيت مشعل .. الساعه30 مساءً
____________

** فيـصل **

هذي بنت عمتي نجود .. وش فيها.. طار عقلها ؟.. شكلها وهي نازله بكل حذر .. يضحك .. انا مسكت ضحكتي ما حبيت افشلها

فقلت لها بجديه : وش تسوين هنا

كانت متوتره وخايف .. وتناظر يمين وشمال وورا وقدام .. وفي كل جهة

قلت لها : انا اسألك .. وش فيك

ناظرت تحت وسكتت .. انا مبتسم على اخر شي .. ماابي اضحك

عندي فكره دامها كذا.. تتراجف وحالتها حاله .. بخوفها .. سويت نفسي بروح .. ومستعجل

قلت لها : بروح بقول لاخوك مشعل

مسكت طرف كمي بقوه .. وقالت بأنفعال : لا لا لا الله يخليك .. انا انا انا بروح لحالي .. لا تقول لاخوي مشعل

انفجرت من الضحك ههههههههههههههههههههههههههههههههههههههههه نذل انا صح

اشرت لها بصبعي .. وقلت : ماراح اعلم عليك بشرط

تركت طرف كمي وقالت : وشهو

قلت لها : قولي لي .. وش تسوين هنا

قالت لي بتوتر وهي منزله راسهه : انا .. كـ كنت كنت بشوف اذا اخوي محتاج شي ولا لا

قلت لها : واللي يبي يشوف اخوه محتاج شي اولا .. يجي من الدريشه مثل الحراميه ,, اشرت على الدريشه ,,

لفت وجهها عني .. وقالت : ايه انا احب اجي من الدريشه

تكتفت وسندت نفسي على الجدار .. وقلت لها وانا مأشر على الدريشه : طيب وانا اقولك..مشعل مو محتاج شي .. يللا ارجعي من الدريشه يا القطوه يا الحراميه

قالت لي بعصبيه : انا مو قطوه ولا حراميه

قلت لها : والله مايدخلون من الدرايش الا القطاوه والحراميه ههههههههههههه

قالت : والله الحرامي هو اللي يتمشى في بيت مو بيتهم لحاله

شهقت وقلت لها : تطرديني

حطت يدها على فمها .. وفتحت عيونها بقوه وقالت : مو قصدي كذا

بضحك عليها .. وبلعب باعصابها مره ثانيه .. عقدت حواجبي .. وقلت لها : والله القصد واضح .. وانا اسف على الازعاج

قالت لي : لا فيصل

غمضت عيوني .. وقلت لها : مافيه داعي .. انا انهنت وفي بيت عمتي .. والانسان له احاسيس وكرامه

عطيتها ظهري .. وقلت وانا منزل راسي : انا بروح الحين .. بس بدون رجعه .. ومستحيل انسى
انك جرحتيني وطردتيني واهنتيني

ما اسمع صوت .. ليكون راحت .. وانا جالس اكلم حالي .. لفيت لقيتها منزله راسه ..وضامه يدينها مع بعض

حسيت اني خربتها .. قلت لها : نجود .. انا امزح

رفعت راسهه .. وكانت عيونها تلمع .. او يتخيل لي .. مدري بس المهم هي متأثره .. والله شكلي جبت العيد

قلت لها : قسم بالله امزح .. حتى شوفي ’’ ضحكت ضحكه بارده ،، هه هه هههه

طنشتني .. وفتحت باب المجلس وراحت تركض .. ناديتها بس مارجعت .. احس بالذنب .. اكيد تقولون اللي يسوي سواتك مايحس بالذنب .. بس صدقوني احس بالذنب .. حتى نسيت ليه انا جيت هنا .. ايه صح بدخل الحمام (( الله يكرمكم ))

.........................

02-14-2008, 01:10 PM

____________
بيت مشعل.. الساعه 12:30 مساءً
____________

** مشعل **

ابي انام نعسان .. رهف مو مخليتني انام .. كل شوي تسألني سؤال .. بس الظاهر حبت اهلي .. حتى امي ماتت عليها .هزتني وقالت : مشعل مشعل .. لا تنام ..بسألك

قلت لها بملل : نعم

قالت لي : امك .. مو ام نجود

قلت لها : لا حنا ابونا واحد .. بس امهاتنا غير

قالت لي : ووين امها

قلت لها : ماتت

قالت : الله يرحمها

سكتت شوي .. بعدين قالت .. ايه صح مشعل .. ابي اسألك سؤال بعد

قلت لها : وشهو السؤال

قالت: انت ليه قلت لاهلك .. اني صديقة نجود بالدراسه

هذي من قال لها .. ماكنت ابيها تعرف اني قايل لاهلي كذا .. قلت : انا ماقلت

قالت : الا قلت .. حتى نجود قالت انك موصيها تقول هالكلام

قلت لها واسوي حالي مو مهتم .. لاني ما ابيها تعرف شي : انا ما اذكر اني قلت كذا

قالت : خلاص مو مشكله

زين انها ما اصرت .. غمضت عيوني .. غفيت شوي ..هزتني مر ثاني وقالت : مشعل انت زوجتك من سوريا

قلت لها : لا زوجتي سعوديه .. امها لبنانيه .. بس وش دراك .. رهف انا بقول لك شي اوكي .. قولي لي اوكي .... قولي .... وينك .... نمتي

لفيت عليها لقيتها نايمه .. غمضت عيوني .. حاولت انام وماقدرت .. كله من رهف .. تنام وماتخلي غيرها ينام .. قمت من السرير .. فتحت المكتب .. يااه هالمكتب مغبر .. من زمان مادخلته .. فتحت الدرج .. طلعت صورة ام رغد .. ما اتخيل اني في يوم بنساها .. او بحب غيرها .. بست الصوره ورجعتها

...................................

02-14-2008, 01:10 PM

______________
السياره .. على طريق الدمام .. الساعه 1:30 مساءً
______________

** نايف **

رجعنا للحر والغبره .. الناس تحن لبلدها .. وانا العكس .. مو ماحنيت .. بس ماكنت ابي دراستي بأمريكا تخلص .. فتحت الباب ونزلت من السياره .. ناظرت للبيت .. كل شي مثل ماهو .. ماتغير علي شي .. كانت فيه سياره قدامنا واقفه .. نزلت منها بنت .. حامله شنطه .. شكلهه جايه من مدرسه

ناظرتني شوي .. وابتسمت

غريبه .. اول مره في حياتي احد يشوفني للمره الاولى ويبتسم .. وجهي ماهو بشوش .. ولا يستانس الواحد لا شافه .. اصلاً اللي يجلس معي كثير يمكن مايحبني .. لاني على طول جاد .. ولا ابتسم الا نادر

.................................................. ........

** رهف **

من هذا ؟ سواق ولا وشو .. مو قادره افتح عيوني واشوف زين من الشمس

** نايف **

للحين تنار فيني .. من هذي ؟ انا ما اعرفها .. لا يكون هذي رغد بنت مشعل .. لالا مايمدي هذي كبيره

** رهف **

حطيت يدي فوق وجهي ودققت فيه .. لالا هذا مو سواق يافشلتي
اغطي وجهي الحين .. اولابيصير موقفي يفشل..اذا فجأه اغطيه
جالس يناظر فيني .. خلاص بغطي وجهي

** نايف **

وش فيها غطت وجهها ’’ ابتسمت على حركتها ’’

** رهف **

يبتسم .. فشله اكيد قال انا غبيه

** نايف **

دخلت البيت .. وناظرت فيه من داخل .. كل شي مثل ماهوا ماتغير شي

ناظر في اول كنبه بالصاله .. وجلست عليها .. اذكر اني كنت احب اجلس على هذي الكنبه

** رهف **

وش فيه دخل البيت بدون لا احم ولا هلا

دخلت داخل بسرعه .. وشفته جالس على الكنبه وحاط رجل على رجل

وكان البيت بيت ابوه

** نايف **

ناظر لجهة الباب ولقيت البنت واقفه .. سالتها : من انتي ؟

** رهف **

قلت له : انا زوجة مشعل

** نايف **

وقفت بسرعه يوم قالت انا زوجة مشعل .. وش السالفه الناس تكبر مو تصغر .. وهذي صغيره

** رهف **

بركب اقول لمشعل ينزل بسرعه لان الوضع مايطن

^*^
/
\
/
\
/
\
/
\
/
^*^

**** نهاية الجزء الثامن ****

02-14-2008, 01:11 PM

1- ياترا من هذا نايف؟؟؟ .. ووش موقعه في قصتنا ؟
2- وش ردة فعل الاهل اذا شافوا هالشخص ؟
3- وحنان الى وشو تخطط ؟
4- و ياترا محمد بيتزوج الريم وبنفرح فيه والا ؟

قصه سعوديــــــه تجنن ((بيـــــن ثنايــــا الأيــــــام)) لاتفوتـكم

قصص طويله وابداع الاعضاء