قـصيدة نـاصر الـفراعنه في شــاعر المليـون ( نــاقتي يا نـاقتي ) ..

02-10-2008, 09:06 PM

الــسلام عــليكم ورحمــة الله وبركـاته

0
0
0

اضــع بين يديكم قــصيدة الـشاعر الكـبير ( نــاصر الفراعـنه ) في شـاعر المليـون والتي زلزل بـها جـنبات مسرح شــاطئ الراحــه .!

نـاقــتــي يـانـاقـتــي لاربـــــاع ولاســـديـــس
وصليـنـي لابـتـي مــن وراء هــاك الطـعـوس
حائـلاً رابـع سنـه مــن خـيـار العـيـس عـيـس
خفـهـا لادرهـمــت كـنــه بـالـنـار مـحـسـوس
فـي دجـى خالـي خــلا لاحسـيـس ولاونـيـس
تنوخـذ مــن شــدة الـبـرد طقطـقـة الـظـروس
فـي عيـونـي يكـفـخ الطـيـر ويطـيـح الفـريـس
وانتهـض جسـاس مـن دون خالـتـه البـسـوس
وفـي خفوقـي فـرخ جنيتـاً يضـرس ضـريـس
يــوم اوردهــا هـجـوس واصـدرهـا هـجـوس
ديرتـي دار ابـن ضـاري وابـن غثلـم جـريـس
ديـرة اللـي دوجـوا فــي فيـافـي نـجـد جــوس
ديـرتــي يـابـنـت شـيـخــاً ومـعـدنـهـا نـفـيــس
عيـطـمـوسـاً دونــهــا دثـرتـنــي عـيـطـمــوس
جـادلاً مطـرق جسـدهـا مــع الغـربـي يمـيـس
طينـتـاً مــن تـربـة الـخـلـد والـــدم مـحـمـوس
نقشـت خمسـاً مـن الخمـس فـي يـوم الخميـس
لـيـت شـعــري مـــا ارادت بـهــذا دخـتـنـوس
كـــم تـمـنـا إن مـعــه مـثـلـهـا فـتـنــه بـلـيــس
كـان يمكـن قــد قـلـب نـصـف إمتـنـا مـجـوس
كـن دمــاث الـصـدر منـهـا كنيـسـه او كنـيـس
صومـعـة رهـبـان ديـــراً يـــؤدون الـطـقـوس
آتـقــوس مـــع تــقــوس نـواهـدهــا وإقــيــس
قبتـيـن قــاب قـوسـيـن قـوســاً جـنــب قـــوس
خصـرهـا يحـكـي لـنـا واقــع الـقـوم التعـيـس
وردفهـا عـن غطرسـة بــوش يعطيـنـا دروس
وبالـرغـم مــن قصـرهـا مايجالسـهـا جـلـيـس
تصبح أطول نسوة الارض في وضع الجلوس
العروسـه ماتـبـي غـيـر ابــو تـركـي عـريـس
العـروسـه نـجـد ماهـيـب حـــي الله عـــروس
نـجـد بـنـت المـجـد ونـسـة مونـسـة الـونـيـس
ماعسفهـا الا معـزي ضـحـى الـيـوم العـبـوس
كل اهـل نجـد هلـي مـن إجـاء حتـى الخميـس
فـي ذراهـم بالتـجـي عــن مجفـفـة الـرسـوس
وعيشتـي مابـيـن أســوداً ولــو مـانـي رئـيـس
(خيـر مـن كونـي رئيسـاً علـى شلقـة تـيـوس)
وليـس عيـبـاً إن خدعـنـي بمـكـره كــل هـيـس
لان مايـفـهـم بـمـكـر الـهـيـوس الا الـهـيــوس
مصطـفـى فــي مـأدبـة عـمــه الـبـابـا لـويــس
كبـر اللقـمـه تـحـت ضــؤ حـمـراء الـكـؤوس
وطسـم حدتهـا عـلـى حـائـط المبـكـى جـديـس
يــوم شـقــت ثـوبـهـا بـنــت عـفــار شـمــوس
سـيـدة هــاك الـقـصـر أسـمـهـا الاول لـمـيـس
دونـهـا سـمـر الحنـاجـر بتـرهـا حــد مـــوس
قـسـقـســة لاحرارهم.قيس.قيـس.قـيـس.قـيـس
والبسـتـهـم مـــن مهانـتـهـم انـــواع الـلـبــوس
بـيـن خـدعـة كـعـب اخـيـلاً ومـولـد ادونـيـس
درسـونــا الالــهــه والــمــدرس هــنــا روس
ويش لاقـوا مـن قنـاة السويـس اهـل السويـس
وويـش لاقـوا مـن تلمسـان قومـاً مـن سـنـوس
كلـهـم مــن شــدة الـجـوع راحــوا خنـدريـس
بيـن غيبوبـة مخـدر وصـحـوة عــرق ســوس
ثـــورة راحـــوا سبـبـهـا بــتــوع الاتـوبـيــس
وش نـبـي فيـهـا وهــي ماتـهـز الا الـغــروس
آفـة المـرء اثنتـان الــف كــاس وحــب كـيـس
والنفـوس الـيـا بغـيـت اتعرفـهـا ارم الفـلـوس
ينكشف زيف الشعـارات الـى حمـي الوطيـس
ترجـع الاذنـاب إذنـاب وتبقـى الـروس روس
صـدق لاقـال العـرب مايحـوص الا الخسيـس
ولايـوط الـروس شئيـاً مثـل ضـعـف النـفـوس