قصيده البقمي في شاعر المليون

12-01-2007, 04:16 PM

شاكر البقمي

هو معد ومقدم برنامج(جلسه شعر القناه السعوديه الاولى قبل سنه)

ومعد ومقدم برنامج(الساحه الشعبيه) من سنتين

وهو الاعلامي المعروف(جريده الرياضي ومجله اقراء وجريده الرياض من سنوات

اترككم مع القصيدة

الله من قلبً عبث فيه عباث
غيضً على عرش الضماير يثاثي
لا ناموا العربان للجاش نباث
ينبث خفايا هاجسي واكتراثي
من سبته كني مريضً ومعلاث
وغثيث من ضمن العباد الغثاثي
اقوم واقعد واتلهث تلهاث
واشرف على القصر البعيد التراثي
خمسة عشر ليله من تمير لطراث
وانا مغير اروح وارجع عباثي
من واهجً فيني وفي خافقي عاث
مغير اهدي صطوته بالنفاثي
لولاي اوسع خاطري بالتنفاث
وامشي مع الدرب البراح الدماثي
يمديني اني للبهاذيل وراث
ولا بعد تنقال في المراثي
لكني اصبر واطلب الصبر واغتاث
غيثً من الله في الليال الغياثي
واقرب من الناصي ليا صار لباث
اللي حصيله من ردي القثاثي
لا شفت لي ناسً من الناس غلاث
اداوي المسعور عقب الغلاثي
اللي لقاع الصبخ والملح حراث
منتوج محصوله من الملح غاثي
ولي طعم هرجه صقطري وكراث
ترجع ثمانه كان هايت ثلاثي
للطيب مجلاسً وللخبث خباث
ومجالس اهل الطيب غير الخباثي
انا كما حرً مع الجو نفاث
دايم يصخر روس ربد الاناثي
وانا لعرق الزور والكذب جثاث
اجثها جث السلف للرثاثي
للطيب والناموس والعز حثاث
وللعيب وقفاي الرياجيل جاثي
وان كان طولها من الناس غباث
نحثي على وجهه من الخد حاثي
ورثً لنا من سابق الوقت ميراث
ماهوب سرد اعلوم حكي وطماثي
للهرج مزاحً وللحلف حناث
والي مكذبني يجرب حناثي