- عرض مشاركة واحدة

07-24-2007, 02:08 PM

وحاليا الساعة 6 الا ربع والشباب كلهم تجمعوا في النادي البحري
(( الاسماء الي بنذكرها حق ربع حسين بتكون شخصيات عادية في هذي الحادثة مع عدى ايمن الي بكون صديق حسين الروح بالروح وحسن شوية قريب منهم بعد هم عددهم 5 غير ايمن وحسين ))
ايمن : يالله الربع قومي نلعب كرة
وظلوا يلعبون كرة في ملعب كرة قدم شاطيء >>> يعني على رمل
وكان الجو هناك جدا حلوو وبعد ما كملوا اللعب كانت الساعة 7 الا ربع يعني وقت اذان
راحوا مسجد الفاتح ايمن وحسين وحسن في سيارة ايمن الي يسوق >> لان اكبر من حسين بسنة من جدي يقدر يسوق بس اصدقاء لان صفاتهم وطيبتهم مثل بعض ومن مثل الطينة واما حسين جنبه وحسن معاهم وراء وفي السيارة الثانية ناصر يسوق وراشد معاه قدام وطلال وخالد وراء
بعد ما كملوا الصلاة رجعو نادي البحري وقرروا يروحون منتزه الدولفين يشوفون عرض الدولفين وبعدين يتعشون
عند البوابة وقفوا الشباب ياخذون لهم ذرة ونفيش ودخلو العرض
وكان الجو حلوو والضحك على حركات الدولفين وعلى الساعة 9 كمل العرض
وراحو مقهى ليالي زمان عشان يتعشون
ايمن : هاا شباب قررتون شنو تبون
حسين : انا باخذ شيش طاووق تبي النص الثاني ايمن؟
ايمن : اوكي صار وحسن والباقي بشروا ؟
حسن : يالله توكلنا عرفت شنو يبون الشباب بروح معاك
وطلبو لهم ايمن وحسين مثل ما قالوا شيش طاووق والشباب تكة وكباب ومشكل من هاللحوم ومقبلات من حمص وتبولة ومتبل ..........الخ
وبعد ما الكل كمل
ايمن : يالله يا اخوي تعال معانا خلنا نكمل سهرتنا
حسين : لا يا اخوي خلاص برجع البيت اختي بتمر عليي
ايمن : انزين وشنو فيها لو كملت سهر معانا
حسين وبحزن : انت تعرف ابوي شلون وبصراحة الفلوس مو كفاية
ايمن : افا يا اخوي شلون تكون محتاج وما تخبرني زعلت عليك يا اخوي
حسين : لا لا لا تزعل علي ولا شي وانا ما بجي مو عشان سالفة الفلوس تراها عشان ابوي انه ما يرضى ولا تنسى ما احب اطول معاكم صراحة بنغزات ناصر اتجاهي الي ما تخلص
ايمن : وشنو عليك منه تراك معاي في السيارة مو معاه
حسين وباتسامة الم : لا لا خلها مرة ثانية
ايمن : براحتك يالله مع السلامة
حسين : في حفظ الباري
حسين شال تلفونه ويتصل في ريم
ريم : الوو
حسين : هلا ريم
ريم : هلا اخوي
حسين : يالله ريماني كملت تعالي
ريم : خلاص 10 دقايق بالكثير ربع ساعة وانا عندك
حسين : اوكي بكون في مقهى ليالي زمان قبل ما توصلين بدقايق سوي لي رنة وبطلع لج اوكي
ريم : صار باي
حسين : باي
وظل حسين على طاولة الطعام وهو سرحان ويفكر في حياته ويقعد من سرحانه على صوت طفلة اصيح وانصدم لما شافها عيونها تشابه عيون ريم خصوصا ملامح وجها كانها ريم في صورها وهي صغيرة بس خلى عنه هالافكار وقام للجاهلة يشوفها
حسين : شفيش حبيبتي
والطفلة اصيح
حسين : تعالي
وياخذها ويحطها فوق حضنه
حسين : قولي لي احين شفيش
........: ما ادري وين الماما والبابا
حسين : اها يعني مضيعية تعالي معاي
وياخذها ياخذ لها ايسكريم ووداها مكان العوائل لان عرف انها جاية مع عائلتها
ومجودها ينتظر احد يناديها محد
ما لقى حل غير انه يحطها فوق كتفه ويمشي ابها
وقام يتمشى فيها >>> ههههههه مسوي عرض
دلال : مبييييييي ماما شوفي فطوم اختي فوق وين
بتول : وين بعد هذي . وتنصدم لما تشوفها فوق الصبي
بتول : مبييييييي شنو هالفضيحة واحسرتي فشييييييييلة وانتوا ليش خليتوها بروحها
دلال : احنا خلينها مكان الالعاب وقلنا لها بنشرب ماي وبنجرع لج لانها ما طاعت تجي معانا
بتول : وهذا كاظم ما ادري وينه بعد خلني اروح اشيل بنتي
بتول : لو سمحت يا الاخو
حسين يدور مصدر الصوت لما لقاها : نعم
بتول : اسفة على الازعاج بس هذي بنية
حسين وينزلها من فوق كتفه : تفضلي وتحملوا فيها
بتول : اوكي شكرا
وراحت عنه
واما فطوم كانت تسوي باي الى حسين وهو مستانس عليها
بتول وهي تقلد عليه: تحملوا فيها وععع
حسين وهو يحرك يده نحو فطوم نزل يده وفيه نظرة حزن
حسين : يعني لو كانت هالطفلة قريبتي انا ما اعرفها ولا ادري ابها شنو تقرب لي الله يسامحك يا يبا
وفي هالوقت يسمع صوت تلفونه يرن وعرف ريم وطلع برى

واما في طاولة بتول
دلال : يمة الصبي صاير شوية يشبه خالي قاسم
بتول : واني شدراني
ولا تنسون ان الدم يلعب دور كبير وخصوصا انه اخوه من ابوه

حسين وهو في السيارة مع ريم
ريم : يعني تتوقعها تقرب لنا
حسين : ما ادري بروح راسي معورني عيونها مثلش وشكلها مثل صورتش يوم انتين صغيرة
ريم : والله اني خاطري اتعرف على اهل ابوي من مرت ابوي انزين جان سالتها شنو اسمش شي
حسين : ما ادري ما جى على بالي