09-13-2007, 07:11 AM
|
#1 (permalink)
|
|
~~ نبــ غ ــروبي ــض ~~
|

**..هاذي مواصفات الصقر ..**
الـــســلام ع ــليكــم
الأعـــزاء جميعـــا
هذه القصيده فازت بالمركز الثاني في مهرجان ابو ظبي لعام 2005م في وصف الطير0
الطير له ميزات ياعاشـق الطيـر مثايلـن للطيـر دايـم مهـمـات
كلن على قده من أصغير وأكبيـر والفعل حظن من بديـع السمـوات
وانا مـرادي فالحـرار المغاتيـر حرن تميز به عن الغيـر ميـزات
من موكرن وسط الجبال المشاهير جبال فارس له مقـر ومحطـات
ماهوب تهجينن ولاهو من الجيـر و لاهوب مدغوشن ولا فيه شكـات
اشعل ظهر والراس لون الطباشير صدره مسرح والدواغر مضيحات
صافي ووجهه يا صباح التباشيـر ماودك تشوفه عيونـن كريهـات
وعينه اذا شخص تحرابها الخيـر عين الشجاع اللي تنومس بهيـات
عاري ولاهو من طوال المناسيـر أقطم وله فتحات خشـم وسيعـات
له عاتقن يفرق جماله عن الغيـر و أكحوف من فوق الجواهر مظلات
مناكبه عن كل صـدره مواخيـر بارز نحر فيه الثنادي عريضـات
طوالن مواوّيه غـرام الصقاقيـرو مشددن من ريشته سبع ريشـات
جبره فخوذه هجر وكراعه أقصير كبسن كفوفه والأصابـع جليـلات
صوايـده تشبـه لحـد البواتيـر تضفي سراويله على الكف زافات
شليلـه ثريـا بلـون النـواويـر لاشرها طاير تقـل فيـه لمبّـات
ماهو خساره فيـه دفـع الدنانيـر يسوى ميات ألوف وألوف وميـات
هذا مـرادي يالوجيـه المسافيـر وترى غرام النفس مايشبع الـذات
زيــ///ـــكـــ///ــو |
|
|
|
|