قصص البنات قبل وبعد هههههههههه

09-06-2007, 04:42 PM

--------------------------------------------------------------------------------

السلام عليكم

تحكي وتقول قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه .....واما الفتاة من شدة خجلـها من الموقف ذهبت لأهلهـا !!!!!

****************************

_ واحد تزوج على زوجته ( ومن الحرة اللي فيها ) جت في ليلة عرسة خذت ثيابه اللي بيلبسها ومسحت عليها قشر برشوم " والبرشوم فاكهه لها أشواك رهيبة وماتنشاف @

****************************

_فيه وحده تقول في اول ايام زواجي طلب مني زوجي ان افتح له علبة بيبسي ... . قمت وفتحت العلبة قدام وجهه و.. يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وأنا أشوف هالموقف

****************************

_فيه وحده تخجل مرة مرة . . ولما تزوجت كانت تخجل حتى تتكلم مع زوجها .. وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الخجل الزايد ...ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم . . تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار !!

****************************

_ وحده يوم عرسها بعد ما خلصت من التجميل والتسريحة .. جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها !!

****************************

وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه . . يوم توقظت لقيت اني اضرب زوجي !!

****************************

_هذي انخطبت وطبعا جاء العريس ووالده لاهل البنت عشان يتفقون على لوازم الفرح والذي منه ..المهم اللي حصل ان البنت واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب البنت هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الضغط ودزني ودزك .. مادرت البنت الا وهي مدفوعه من الباب .. وطاحت على وجهها قدام العريس !!

***********************

وحدة راحت تزور صديقتها زيارة عاديه وكانت متزينه وكاشخه وصديقتها كانت متفقه مع اخوها انه يشوفها نظرة بسيطه عشان يبغى يخطبها وبدون علم البنت المهم وصلت البنت وسلمت على صديقتها وجلست وكانت صديقتها حاطهسلة حلويات على الطاوله وراحت تجيب العصير اخو البنت كان يطلع البنت بدون ماتدري والمسكينه بعد ماراحت صديقتها عجبتها الحلويات اخذت في يدها وحطته بالشنطه لاخوانها بعد ماترجع بدون ماتدري صديقتها بعد مارجعت صديقتها تصرفت عادي وأول ماطلعت البنت سالت اخوها وش رايك في البنت تدرووووون ايش قال .....................
ابغها (يحليلها شالت الحلويات ) تتوقعون ايش راح يكون موقفها لما يذكرها بعد الزواج

اتمنا ان تعجبكم

تحياتي

09-08-2007, 04:17 PM

مواقف محرجة فعلاً.

شكراً أخي قصة شارع على نقل هذه القصص.

09-08-2007, 09:29 PM

العفووووو ام عقيل

وتقبلي تحياتي

09-09-2007, 01:59 AM

هههههههههههههههههههههه بصراحه مواقف تضحك ولازم تصير مثل هالمواقف في بدايه الزواج مثل وحده اعرفها وهي بالسياره هي وزوجها ومشغلين الراديو وجا اعلان عن نزول البوم للفنان ملحم زين وهي البنت كانت معجبه فيه مره ويوم سمعت الاعلان قالت الله ملحم زين وبعدين التفت عليها زوجها وقالها لاه اجل انا نانسي عجرم
تقول مره انحرجت قلتها من غير شعوري
وشكرا اخوي على المواقف الطريفه "

09-09-2007, 02:00 PM

صيته اشكرك على ردك الرائع

ولج تحياتي

09-10-2007, 09:45 PM

ههههههههههههه

وربي ضحكتني..

ولازم تصير بعض هذي المواقف..

خصوصاً:

_هذي انخطبت وطبعا جاء العريس ووالده لاهل البنت عشان يتفقون على لوازم الفرح والذي منه ..المهم اللي حصل ان البنت واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب البنت هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الضغط ودزني ودزك .. مادرت البنت الا وهي مدفوعه من الباب .. وطاحت على وجهها قدام العريس !!

هههههههههههههههههههههه

يسلموو قصه..

قصص البنات قبل وبعد هههههههههه

التسليـة والترفيـة