مدرسة ابو متعب الاهليه

08-12-2007, 10:02 PM

السلام عليكم

مع مناقشات مع مجلس الاداره .. ومشاورات مع الاعضاء (ايه هين خخخ) .. قررت افتح مدرسه

واليوم ان شاء الله بحط لكم الدرس الاول .. وهو درس قراءه

قبل كل شي اخي/اختي الطالبـ(هـ) اذا كنت دافعاً لرسوم الالتحاق بهذه المدرسه فتفضل مشكوراً واقراً الدرس ..

يلا بسم الله

(من الحين اقولكم ماابغى اسمع ولا صوت .. فاهمين )

الدرس الاول

التاريخ: 3/4/1428 هـ
الماده: قراءه
الحصه: الاولى

الموضوع : المحشش واصدقاءه

ذات يوم اتى مرزوق الى ابيه
وقال له: يبى تكفى بروح مع اخوياي.
قال له ابوه : خاواك ابليس مير .. انثبر هنيا ياولدي.
مرزوق : ورااااااه وراااه يبه .. كل اخوياي طالعين مع بعضهم لبعض وانا ماغير اناظر خشتك انت وأمي .
ابوه : اسسكت خسسسسسسك الله .. انا تكلمني كذا ياملعون الجدف .. ولما لا تقوم و تعطيني كمن كف احسن .
مرزوق : ان شاء الله يبه .. بس تتتتتتكفى بطلع .. والللللللللللله مااطول .. ساعتين وراجع .. عندنا دوري اليوم يبى تككفى.
ووافق ابو مرزوق واضحى مرزوق يطامر ويراكض من الفرح واتى ناقزاً وباس قرعة ابوه
قائلا:الله لايحرمني منك ولا من امي واخواني يابوي.
واتى يوم المباراه .. واستعد مرزوق ولبس له ذاك اللبس الاصفر تقل شمس الله نازلتن علينا .. وراح لملعب الحاره اللي فرحانين فيه تقل استاد الملك فهد(1) وحنا ماندري .. المهم وبديت المباراه واطلق فلاح صفيره من اصابيعه(2) يعلن وقت بدء المباراه .. ولعب مرزوق بكل جهده وفي الدقايق الاخيره خر صريعاً يعاني من تشنج في عضلات سيقانه .. وشالوه خوياه وودوه البيت .. وفتح لهم الاب الباب .. والجلفين رمو مرزوق قدامه بدون اي رحمه وهو يقووطر عرق وريحته واصله بلاد الشام .. وبدأ مرزوق يتصارع مع نفسه عشان يقوم .. قام لقى له هذاك العقال(3) اللي جلسه مكان ماقام .. وسمع ابوه يقول له
الاب : يالملعووون انا عارف انك كنت تدشر برى (<<شوفو الاب وين والابن ويين صز تفكير احول) .. شم ريحتك كلهااااا ويسكي ..
الابن : حركات يبه تعرفه .. اجل اكيد مجرب.
الاب وهو يتلعثم في كلامه ويخبط ويقط خيط وخيط : لا هو بس هاه ؟ .. انت الحييييييين وش دخلك يامال فلق الراس .. شفف قسسم بالله ان رجعت مره ثانيه وانت تسذا لا اخلي هالعقال يرقص عليك الين مايتقطع فااهم.
الابن وهو في حاله يرثى لها : ان شاء الله يبه ..
عاد وش يسوي مرزوق ياحظي .. لا يستطيع ان يخالف اوامر ابيه ثمن يلاقيله هذاك العقال .. وها قد اتهمه ابيه بالدشره والتحشيش مع اخوياه الصادقين الامينين .. وذهب الابن الى الغرفه مكسور الخاطر يعاني مع نفسه ويقول وينك يايمه ساعه عند بيت الجيران .. وهلت دمعه على خده ومسحها على طول .. وراح انخمد.

---------

معاني الكلمات::
خوي : الصديق الرفيق في وقت الضيق الله لايضيق علينا.
فلق : هي كلمه اغريقيه اكتشفها اليبانيوون في عصر السلاجقه .. وتعني الفقشه . أي ضرب مقدمة الرأس بحجر او قوطي بيبسي او ماشابه ذلك.
خشه : تعني الفيس باللغه اللاتينيه .. أي الوجه.

---------

مايستفاد من الدرس:
1- خذ شور ابوك لاخرجت ثمن تاخذ لك علقه ماتشفى منها الا بعد عشر سنين.
2- اذا رجعت من مباراه يوماً ما وصي امك تحط لك بالبانيو كلوريكس وتايد وفلاش .. لزوم التنظيف .. ويفضل معاها سلك نحاس للتقشير.
3- قول لاميمتك الله يحفظها انها ماتطول برا البيت لربما صاح ورعها وهي ماهب عنده.

---------

السؤال الأول:
بعد قراءة الدرس أجيب عما يلي:
1- تهقى وش اسم البطل؟
2- أين كانو جالسين مرزوق وابوه؟

---------

السؤال الثاني:
اختر الاجابه الصحيحه :
1) اتهم والد مرزوق مرزوق بشربه لـ :
أ- الخمر
ب- الويسكي
ج- النبيذ
2) ريحة مرزوق وصلت إلى :
أ- بلاد الصين
ب- بلاد المشرق العربي
ج-بلاد الشام

---------

ماودي اطول عليكم بالاسئله

واللي يبغى يروح الحمام (الله يكرمكم) يروح .. واللي بيشرب مويا يشرب

و ان شاء الله استفدتو من الدرس

.
.
.

الواجب : س \ 1-2-3-4-5-6 ياله نزودها بعد7-8-9

ياويل الي يجيني ما حل

_________________________
(1) يقع استاد الملك فهد في نيو يورك .. وقد تم نقله الى الرياض بواسطة الفيدكس
(2) تضع اصبعين او اكثر في بلعومك وتصفر .. هكذا صفر خوينا فلاح
(3) شي لونه اسود يوضع فوق الشماغ او الغتره اما بالنسبه للدشري فيضعونه فوق الطاقيه بدون شماغ او غتره .. يالله وش التناحه ذي في احد مايعرف العقال ؟!!

08-12-2007, 11:24 PM

انا ماحليت
خخخخخخخخخخخخخخخخخخخخخخخخخخخخخخخخخخخخ
لاتعاقبيني انا احبك

08-13-2007, 02:08 AM

لا والله هذا مو عذر وقفي يلا
اقري الموضوع الي في صفحة 500 ولا تقولين ما جبت الكتاب
بعاقبس تكتبي الموضع 10 مرات
فاهمه>>>>رتفع ضغطها من بود امل<<<<<
مغروره اسكتي ما تبغين الدرس اطلعي من الحين

بن العز ليه قاعه وحط ه رجل على رجل
وش رايس اجب مخده تتسندين ليها يالفالحه

حليتي الواجب

08-13-2007, 07:06 AM

استاذه استاذه

انااااااااااااااااااااااااا حلييييييييييت

مااشاء الله علي دافوور

صلوا على النبي ( ليكون احد يعطيني عيييين )

هع هع هع هع هع

جواااب السؤال الاول

1_البطل الاساسي مرزوق

والبطل الفرعي هع هع ابو مرزوق

2_ كانوا جالسين في بيتهم

عااد ويييين بالضبط مدري يمكن بالحوش ولا في الصاله الله اعلم

السؤال الثاني

1_ فقره ( ب ) بشرب الويسكي

2_ فقره ( ج ) بلاد الشام

هع هع هع هع

استااذه شووفي حلي للواجب صح او لا

وحطي لي نجمه لااا تنسين عشان اوريها ماما هههههههههههههههه

08-13-2007, 07:15 AM

اي كذا البنات الشطورات الحلوات الامورات>>>>>عسى ما شر<<<<
مو امل الكسلانه طيب تجهزو لدرس الجاي

08-13-2007, 07:19 AM

يوووووووووووووووووووووووووووه

طيييييييب عطينا فتره نقاهه شوي خخخخخخخخخخ

على طووول الدرس اللي بعده

ههههههههههههههههههههههههههه

08-13-2007, 08:22 AM

>>>>>>>اصلا الدرس ياله بكره انتي صدقتي<<<<<<<
يالله فسيحه
بس ياويل الي باكل في الفصل

مدرسة ابو متعب الاهليه

المسابقة والالعاب