لماذا مواضيع صباح الورد في الاهداءات مغلقه !!

07-20-2007, 07:01 AM

ادخل المنتدى من زمان وانا زائر واتابع مواضيع كثيره
واعرف مكان صباح الورد ومتابع نشاطها
والحين امس ادخل وافاجأ بمواضيع خاصه لها وانها مريضه وأن والدها توفي
مصائب من شدتها تهز الأرض بما فيها
وأسجل لأني اريد المشاركه في تعزيتها والدعوات لها بالشفاء وألقى المواضيع مقفله
ليه ؟؟
أول مره اشوف مواضيع مقفله
وثانيا صباح الورد مو أي أحد يكفي انها نائبة المدير وما فعلته في منتداكم يستحق أن يكون لها منتدى خاص وقسم خاص بها
والحين مستكثرين فيها كم موضوع وتقفولنه
خلوا الناس اللي متنحرقه عليها تدعي لها ليل ونهار وتكتب دعواتها
عطونا فرصه نشاركها اذا انتم ما شاركتوا
فيه ناس تدخل لصباح الورد وسجلت لصباح الورد وما تتابع الا صباح الورد

اطالب بفتح المواضيع نحتاج ندعي لها بالسلامه
وهي بحاجة لدعائنا
صباح الورد " ملكة المنتدى " ماقصرت معاكم ولامع احد ووقفت مع الكل
في الأفراح والأحزان
والآن في مرضها ووفاة والدها لابد نكون معاها

شافاك الله وعافاك صباح الورد
وألبسك لباس العافيه

وغفر الله لوالدك واسكنه في واسع الجنان في ارفع الدرجات آمين
والله مصيبة وفجيعه ما حصل والظروف المره التي تمر بك نشعر بها كأعضاء نتابع ما تخطه يدك من ابداع وخير للجميع

نحن معك وننتظرك ياملكة صمت

07-20-2007, 11:41 AM

اخوي

الدعاء مو شرط انك تكتب دعاء

تبي تدعي لها اقرا الادعيه واخلص النيه لها

الدعاء بالقلب مو بالكتابه ونسخ الادعيه ووضعها هنا

كلنا ندعي لها بالسر والعلن

مو دعاء اكتب موضوع واقعد انسخ الردود وادعي لها

الدعاء ظاهر من القلب

اتمنى ان الفكره وضحت

واخوي ما يحتاج تقول لنا من هي صباح الورد ...

07-20-2007, 12:38 PM

أخوي
اشكرك لنك رديت

اسمعني اخوي
وش المعنى باني اخلص النيه والدعاء والكلام الي كتبته

كلنا ندعي بنية لأن الدعاء مسموع من الله
ومابدعي لإنسان ماله تقدير
وادري انكم عارفين مقدار صباح الورد
لأن مكانها مستحيل يخفى على النملة مو هالمنتدى الا زرعت فيه الملكة صباح بذور الخيربين كل عضو وعضوه
الحين مواضيع فيها ادعيه تقفل والسبب ان الأدعية تنسخ
هذا شي وارد الأدعية بتنسخ لأنها دعاء للسلامة والثاني دعاء تعزيه
والهدف مشاركتها لنها تستحق الكل يشاركها حتى الا مو عضو قديم ولا يعرفها مثلي

ومافيه مبرر لقفل المواضيع انا اول مكان اشوفه يقفل مواضيع فيها خير
ماتوقع فيها صور والا كلام مخل بالآداب
الدعوه للخير تصد ؟؟ وانتم ليه حاطين قسم اهداءات
كل واحد يعبر عن الا بخاطره
وبخاطرنا نشارك هالإنسانه الا اعطت الكثير ولاقدمنا لها شي
وين الجزاء ؟؟

لاتزعلون من كلامي انا استغربت يوم ادخل واشوف الموضوع مقفل
الحين الناس تدخل عشان صباح الورد وتشوف مقفلين موضوع فيه خير لها
الدعاء خير وحرام قطعه

أما النيه فهي موجوده وندعي لها حتى لما نتجه لبيت الله
ومايحتاج نقول احنا نصلي ونركع ونسجد ونطلب لها لن هذا بيننا وبين الله
والمواضيع هذه مالها دخل بالنيهفقط فهي مشاركة واجبه ولابد منها للملكة صباح الورد
والتي هي بنظري الأساس في كل هذاالمنتدى

واتمنى تتقبلون كلامي
مااشوف شي غلط واسكت عنه

أخوكم
ربيع القلب

07-20-2007, 01:58 PM

كلامك سلييم اخوي

بس ياليت تكتفي بالدعاء لها بنفسك وذاتك ... ما يحتاج تحط لها موضوع ولا ترد وتكتب دعاء ..

الادعيه تكفل فيها اخوي الشاهين ووضعها لكم ... اقروها وادعوا لها بها

وان حصل اي تجدد في الامر بنحط لها موضوع خاص فيها

دمت بخير

07-20-2007, 04:24 PM

أي موضوع اللي ننتظر اكثر من الأحداث الا صارت
الحين بوقت فيه الدعاء بكل ثانيه
الكل يدخل ويدعي
ناس ماتعرف تدعي تنسى ما تعرف ومجرد انها تكتب ينكتب ثوابها ويهدى للملكه

جزى الله خير كل من كتب موضوع عنها وهذا واجبنا كلنا تجاه ماقدمته لنا
الحين صبوحه تعبانه وكلكم تعرفون هالشيء اصلن واضح انها تعبانه من دخلت ماتخلت عن هالمنتدى كل وقت انا ادخل اشوفها منوره هالمكان
والحين من فتره كل ماداخل ماشوفها وانا مادريت الا من امس
ياخساره
والله تستاهل هالبنت مجلدات نحكي عن الخير اللي تسويه
اخوي
افتحوا المواضيع والله افعلوا خير وتحصدوا هالخير

وش تنتظرون ؟؟؟ أكثر من الاصار لها وش بعد ؟؟
مصيبة مرضها وقلنا نصبر وبعد مصيبة وفاة ابوها
اخت لنا لاتحرمونا الوقوف معاها

لاتقطعوا رجاءنا إلى الله بالدعاء وبكتابة كلمات تعبر عن حزن عميق للملكه صباح الورد

07-20-2007, 06:58 PM

اخوي

صباح الورد بحاله جيده ومستقره ولله الحمد

وهي الان تقضي فتره نقاهه

وقبل لا تدخل هي المنتدى بنقل كل مواضيعها

ما ابيها تتذكر شي .. لاني اخاف على صحتها اكثر من اي واحد

ابيها تكون مرتاحه

اتمنى انك فهمت مقصدي

07-21-2007, 04:24 AM

أخوي
فهمت قصدك من خوفك عليها
وهذا شي كلنا نشعر فيه ونخاف عليها
ولولا خوفي متكلمت هذا وأنا عضو جديد ومتابعها من بعيد
والله لو اني معاكم وادري عن حالها من زمان ماوقفت ثانيه لأدعي
ياخسارة قلبي يتقطع اخوي
كل مفكر بايام دخولي مو مسجل واشوف نشاطها والحين اشوف الفرق الكبير اقول وين الشمعه ووين الملكة
وتمنيت ماسمعت هالاخبار وان ماصار لها مكروه
وما اقتنعت بقفل المواضيع واحسه اجحاف بحقها كونها من الاداره

وأتمنى ان صحتها مستقره مع ن الأمر بكونها بصحة مستقره ما يفنعني وهذا الأمر واضح لنا جميعا ان صحتها سيئه ولا زالت في خطر كبير
الملكة صباح الورد يوم تسجل في المنتدى متترك المكان إلا لهول المصاب
والمصاب عندها عظيم وهذا احساسي كمتابع لما تبذله صبوحه
وأبدا لابوجد احد يشابه المديره الملكة صباح الورد

اسألك يارب أن تشافي اختنا صباح الورد وان تصبرها على المصاب الاليم والفجيعة التي لاتحتمل بفقد والدها رحمه الله

صبووووووووحه
معك بدعاءنا ان يعطيك بقدر مااعطيتي كل اخوانك وساعدتي الجميع
ننتظرك ياملكه

لماذا مواضيع صباح الورد في الاهداءات مغلقه !!

الاهداءات والمناسبات