((( تحبيني وتحبينه ... تحبينه وتحبيني )))

هذي أبيات شعر أستهوتني لاحساسي بها أتمنى أن تنال إعجــابكم ...


((( تحبيني وتحبينه ...... تحبينه وتحبيني )))



انا ماشفت نفسي يوم لاني منخلق من طين ..
ولو أسمي وصل عالي بظل اللي عرفتيني !

ولكن للأسف هانت ليالينا بغمضة عين ..
وعلى الفرقا من أسبابك نعم أنتي جبرتيني

[[توصيتي بطعناتي وبعد ماتنزف السكين ..
وقبل لاألفظ انفاسي على نفسي توصيني!]]

دخيلك قلبي الوافي تخلينه ولاتطرين ..
وراس اللي تحبينه تصدي عن مدى عيني

وصلتي حق نهاياتي وش اللي بس بقى تنهين
وعلى مااظن ماباقي ولاحاجه تحس فيني!

مدام انك تحبيني وبنفس الوقت ماتوفين
ومدام انك وفيتي له وبنفس الوقت خنتيني

((وش اللي بس تحسينه اذا انتي كنتي تحسين
تحبيني وتحبينه §.¤.§ تحبينه وتحبيني!!))

حضنتي قلبي ونمتي وعلى صوتي انا تصحين
ولا منك تمللتي ..تحضنينه وتمسيني

محال تصير في الدنيا بشر في داخله قلبين
تبينه بقلب وفي قلبك بعد قلب يناديني

انا مابيك لوانك على الفرقا دهر تبكين
صعب ارضى بنزواتك ولوحتى بغيتيني

ثلاث سنين او اربع وكاد انها كثير سنين
بعد هذا العمر كله على ايامي صدمتيني

بعد لاتنطقين بكلمه رجيتك اسكتي تكفين
(اخافك ان تكلمتي خطا بأسمه تسميني)

واذا مره ذكرتيني مع الايام ابـ تنسين
وببقى لك مثل ذكرى جميله لاذكرتيني

كثير اللي يتمنونك واكيد انك تبي تلقين
وانسي يوم ما انتي تمنيتي ولقيتيني

انا وش جابني لدربك انا وين وغرامك وين
انا اكبر من عيوبك وعيب انك عرفتيني!

§§ وانسي انك ذبحتيني وامانه ادفني السكين؟؟
وعلى قبري بدال اسمي ابي كلمة خسرتيني!! §§


م ــــ ن ــــ ق ــــ وـــــ ل ــــ


الفؤاد..