- عرض مشاركة واحدة

03-12-2007, 11:16 PM

عــشــيــق الــكــرامـــة

رفيقي اللي ليا منـي نصيتـه.. رفيـق
له فـزةٍ بالكـرم تسبـق حـلا منطقـه

أذوقها فزته مثـل العسـل.. والرحيـق
يا طيبهـا فزتـه يـا نـاس ومعانقـه

بيبان بيته على طول الزمن ما تضيـق
وسيع صدر (وهلا يـا مرحبـا) ترفقـه

له رتبةٍ وسط قلبي مثـل رتبـة فريـق
ولا خير فيها حياةٍ مـا تفـك.. اخنقـه

ياما فزع ما توانا لـو بهمـه.. غريـق
والهم لو هـو كبيـر بداخلـي يغرقـه

لا قام يركض معي صار السعد لي صديق
والضيق يبقـى وراء بيبانـه المغلقـه

يا ماجد.. ان جاك مثله حط له ما يليـق
واكرم جنابه وحذرا الضيـق لا يسرقـه

مثله ليا جاك ناصي قابلـه.. لا تعيـق
واياك تكثـر عليـه الأسئلـة.. تحرقـه

افزع بما تملكه لو هي بحبـة.. دقيـق
يذوقها أحلى من الصيدات مـن بندقـه

ويقيسها داخله أطول من أطول طريـق
ويشوفها اكثر كثير مـن الـذي حققـه!

حيث إن مثله كريم وللكرامـة عشيـق
والطيب كـل الرجـال الطيبـة تعشقـه

مــحــمــد الـمــويــعــزي
منقوله