03-12-2007, 10:51 PM
|
#1 (permalink)
|
|
|
ياماحلا السجه
|
ياماحلاالسجه على جيب جكس اَرــــــــــ هوايته قطع الفجـج والرموسـي
لادار ويله صابتـه نشـوة الـزار ـــــــــــ واليا استوى بالخط كنه يهوسـي
يهوي سوات الذيب في قطع الاقفار ـــــ مع السهـل والا زوام الطعوسـي
هو منوة اللي سامعٍ علم مخضـار ــــــ وطفشان من فعل الزمان العبوسي
وإلى وصل وارتاح من بعدالاسفار ـــــــــ قبل الشروق اتلى الظلام الغلوسي
جوٍربيعـي زينـه لـون الازهـار ـــــــــــــــــــ اللي شذاها مـن بهاهـا ينوسـي
ياما حلا غب المطر شبـت النـار ـــــــــــــــــ في خايعٍ ترتاح فيـه الهجوسـي
ارضٍ عذيه شوفها يسر الانظـار ــــــــــــــــــ النار تشعـم والنشامـا جلوسـي
ماطبهـا بعـد المـطـرزول دوار ـــــــــــ و لادوجو فيها خطـاة العسوسـي
يطرب لهـا الخاطرلياصارمحتـار ـــــــــــــ وترتاح فيها من عناها النفوسـي
النجر صوته يشرح الصـدر لادار ـــــــــــ في ساعةٍ فيها بليـس محبوسـي
مـع دلـةٍ تقنيدهـا بـن وبهـار ــــــــــــ تجلي عن الراس التعب والعموسي
جلاّسهاصفوة رجـالٍ لهـم كـار ـــــــــــــ كنوز الرجال ولاكنـوز الفلوسـي
متوافقين إحساس وشعور وأفكـار ــــــــــــ خوة شرف ماهي مخوة نجوسـي
العـود مابيـن الرياجيـل ينـدار ــــــــــــــــــ وسوالفٍ فيها العبـر والدروسـي
ياخذ بها الرجال سجـه وتذكـار ــــــــــــــ قـدام لاتكثـر عليـه الحسوسـي
هذي طراة العمر والوقـت غـدار ا00000لعمـر يفنـا والمنايـا تدوسـي
وصلاة ربي عـد دورات الاقـدارـــــــــــــــــــــــ وعـداد فـلاحٍ بزرعـه يروسـي
على النبي الهاشمي سيد الاخيـار ـــــــــــــــــــــ اللي من الله بالكتـاب محروسـي
منقوله وتقبلو تحياتي |
|
|
|
|