- عرض مشاركة واحدة

09-29-2004, 06:22 AM

كانت تحبه وهو يجاملها يمثل الحب عليها ويتلاعب بمشاعرها ومن ثم انقلب السحر على الساحر وتبدلت الادوار واحبها بصدق ولكن بعد ماذا؟ بعد ان كرهته وبدأت هي تمثل عليه الحب قصة غريبه من نوعها تصاغ في قصيدة هي قمة في الروعه والابداع

أنا اللي قلت في نفسي .. احبـك.. وابتدى التمثيل
بديت اكذب على نفسي .. و اقول انك نظر عيني

خطاك انك تصدقني .. تبادلني الـهـــوى و تميل
صدقت بكل اشــواقك .. وكــــــاذب كل ما فيني

خدعني واهم إحـــــساسي .. بلا غاية ولا تحليل
ظلمتك يوم جـاريته .. أجـامل .. و انت تعطيني

لقيتك غـــارق بـحـبي .. ولا لي للأمــــر تبديل
حرام أحطم احلامٍ .. بناهـــا الحب .. بيـــديني

وسايرتك ..على كيفك .. لـقيت القلب حبّك حيل
وفجأة صرت لي نبضي .. سكنت أقصى عناويني

ولا فكّرت في جرحــــك .. ولا ودي تذوق الويل
ولا حبــيــت نـتــفارق .. وعينـــــك يــوم تبكيني

ولكن بانت الكــــــذبة .. وعــــــزّم قلبي التعديل
تنبّه بعد مـــــا فــــــات الأوان .. ومرّت سنيني

علينــــا دارت اللعـبة .. مثـل دورة نهار و ليل
تحب وكنـــت انا لاهي .. عشقتك و انت جافيني

خلاص الحــــزن ما ينفع .. تبادلنا الهوى تمثيل
خسارة صــرت أنا أحبك .. و انت اللي تجاريني

اخووووكم