قصه حب عجيبه مره لا تفوتكم

09-05-2004, 10:56 AM

هلا والله باكل الي جاء علشان يقرا القصه
نبتدي ونقص القصه
كان في مكان في جديد العصر وفي المملكه العربيه السعوديه قصه حب عجيبه

على العموم بشارطكم قبل لا تقرون القصه اذا والله شفت ردود وفيه حماس بكمله واذا ما شفت اي استقال وعذروني
يالله لا اطول عليكم

شخص فاشل بجميع المقاييس الحظ ردي واقف له بكل مكان و بكل زمان انسان تعيس ببساطة

وعلى كل ذا دلخ بكل معنى تحمله هالكلمة يتكون من كتلة تناحه تمشي على الارض ولكنه للامانه

كان وسيما جدن جدن .. الموهم نشأ في بيت ابوه و امه وترعرع فيذاك

و كبر و تم خمس سنين من الدلاخه المفهيه وبعد ان يأسوا منه امه و ابوه و كرهوا اليوم

اللي جابوه فيه و حس بالوحده في هذه الدنيا في سن صغيرة اخذ يتحلطم كل ليله و

يناشق اخر الليل حيث مرتن من المراير لحس مخه ابليس في ليلتن ظلماء استجمع

قواه وقرر ان يفرك من البيت ولكن ليس بعيدا فرك الى بيت ولد جيرانهم (ريان)

حيث يجد هناك كل سبل الرفاهيه من بلاي ستيشن و حوش وسيع حق لعب كورة

وغيره من ملذات الدنيا فهم عائله متفتحه و متحررة (متحررة يعني بناتهم يطلعون كاشفات خخخخ )

و يوم قلط عندهم استقبلوه بكل حفاوة قالوله وشجابك يا سعود عندنا

(الله من زين الحفاوه) قال امي قالت رح نم عندهم قلت والله مهيب شينة و جيت فرحبوا به

و نام مع وخويه ريان بنفس السرير و في الصباح الباكر جا ابو سعود يدق الباب على بيت

جيرانهم قالوله موجود عندنا والله و يدخل ابو سعود بيت الجيران و يدور غرفة ريان و يلقى

سعود فاق خشته لابس سروال سنة اخوهم الكبير واصل المغاط حق الخصر لين خشمه

مير يمسك ابو سعود شوشة سعود و يطيح السروال السنه حقه و يبقى على السروال

الداخلي خخخ و سطّحه ببيتهم حيث استقبلته امه مع المطبخ الخارجي و بيدها ماس و

قدر و اخذت ترجفه لين اغمى عليه ما فاق الا بعد خمس ساعات ولم يستسلم فعلها مره و مرتين و اخرى

(نشب بذالجيران خخخخخ) اليين قالوا ما نبيك و اخذ يبكي يبكي ليلا نهارا صار يدور

بالحوش بسيكله بالساعات من الفهاوه .. حين كمل سنه السادسه بعد شتى وسائل اقناع

و طق تبقيس دخل المدرسة سنة اولى مغلوبن على امره خخخ هو و ولد خالته حمود وصار

يلزق بحمود وين ما راح يروح معه لا اصدقاء ولا شي و حمود كان الوحيد اللذي يرأف بحاله في مواقف صعيبه مثل حرمان

ابوه المصروف طبعا بذاك العمر كان المصروف اكبر مشكله يواجهها الطفل المهم حمود

ما قصر مع ولد خالته و صار يعلمه امور

الحياه و كبرو ثنينهم و كل عمره ينجح بالدف سعود و حمود كان متفوق اكثر من سعود ..

مما اشعل غيرة سعود ولكن حمود بذكائه كان يمتص غيرة سعود بطيبة قلبه و لين اطباعه ..

وصلوا لسن المراهقه 16 و الحال كما هي .. طلع حمود جوال بحكم ظروفه العائليه وسعود

قعد يحن على امه و هي داخله و هي طالعه اليييين اشترتله جوال عائلي طار بالفرحه سعود حط اول رقم

رقم بيتهم و الثاني رقم جوال ابوه و الثالث رقم امه و حمود و شغالتهم موزه و سواقهم فخر الدين

حمود يرسله رساله و سعود يردها له ما عنده رسايل خخخخ (كسر خاطري شكلي بوقف القصه )

مر شهر و الجوال لازق بيد سعود ينام فيه يروح فيه يجي فيه حتى بالحمام اعزكم الله يدخله معه

مره كان جاي من المدرسه بجوار سواقهم فخر الدين بسيارتهم (كامري بوكس) بعز الظهر دق جواله

سعود انهبل من ذاللي يدق عليه بالعاده ما يدري عنه احد وبعد ان استجمع سعابيل اللهفه داخل فمه

و سكنت شهقات الشغف في بلعومه رد :

سعود:الو

ردت عليه بنت قالت:اهلين

سعود:شتبين؟

البنت:ذا جوال غادة؟

سعود:لا ذا جوالي

البنت: اسفه عالازعاج باي

سعود:طيب

اغلق السماعه سعود و اغلقت تلك الفتاة السماعه و لم يحرك ساكنا سعود لانه عديم الاحساس

و ما يدري عن الدنيا فلم يأبه لتلك المكالمه

مرت ربع ساعه ولازال سعود بالسيارة رن جواله بنفس الرقم

هاا تتوقعون نفس البنت الي اتصلت عليه وبيحس الي جاسه تسوه وايس بيصر انتظرو الفصل الثاني يالله الله الله بالردود

09-05-2004, 11:43 AM

مشكوووره
اختي نزف القلم
علــــــى
القصـــــه

09-06-2004, 03:14 AM

يسلمووووووووو

اخوي

ابو مشعل

على

مرورك

09-06-2004, 03:09 PM

ههههههههههههههههههههههههههههههههههههه

هههههههههههههههههههههههههههههههههههه
هههههههههههههههههههههههههههههههههههه

هااااااااااااااااااااااااااااااااااااههههههههههههه هههههههههههه

<<<<<<<<<<<<<<<<<<<<< يضحك على شعار الاتحاد للبنات

هههههههههههههههههههههههههه
وهذي للموضوع

وبعدين

هذا اللي حاطين عليه غلط مو تمساح هذي وزغه ههههههههههههههههههه

اقصد سحليه

منهي اللي متزاعلين معها

علموني واسوي بينكم صلح

ينفع احط مكياج وانضم لاتحادكم
هههههههههههههههههههههههههههههه

لا معليش

بس كنت متهيء اني ذاك المفهي

والله تعب

09-06-2004, 08:59 PM

غراب لا تمساح بس بعده صغير ومشكور على مرورك

09-11-2004, 05:56 PM

لوووووووووووووول

والله قصه

رووووعة

اقووووووووول

متى بتكمليها ؟؟؟؟؟؟؟؟؟؟

بسرعه

ياللا

09-12-2004, 12:05 AM

كذا يا كعبوله كنت متشوقه اكمل القصه اللحين ابي ابكي ابي اعرف النها يه بسرعه نزوفه

يا ويلك تتا خرين با البا قي فهمتي ههههههههههه
مشكوره قلبي ترا ما كملت القصه بس حلوه

قصه حب عجيبه مره لا تفوتكم

قصص و روايات و مذكرات خاصه