سحالي الماسنجر ههههههههه

السحلية العاقلة..

لما تفتح ماسنجرها ماتكلم حد.. تنتظر الكل يرحب فيها وهي تبتسم وتقول شكرا..
واذا حد ارسل لها فايل او رابط اغنية حطت له علامة استفهام وتسكت نص ساعه
ماتكلمه..
ولما تكون متحمسه في الكلام.. تكتب كل كلمة في سطر وتضغط انتر.. تخاف من
الاخطاء الاملائيه.
وضحكتها عبارة عن ابتسامه واذا كانت مستانسه حدها تحط ثلاث ابتسامات


السحلية المصلحجية
ماتسلم عليك الا مرة في الشهر.. تدخل عليك فجأه وتحط لك ورده.. مع انها كل يوم
متواجده وساكته..
وتستخدم مشغول في الخارج.. واذا احتاجت مساعدة تجيك وتسلم عليك وتقول وينك من
زمان ماشفتك؟ شدعوه ماتسال علي؟
ترى اختي كل يوم تفتح ماسنجري واوصيها تبلغك السلام لاني مشغووولة حدي في
الدراسة.. كككككككككك حلوه الترقيعه
وبعد ماتخلص مصلحتها تقولك عن اذنك بروح اكمل دراستي واختي بتقعد مكاني
لاتكلمها بليز كككككككككك..



السحلية الخبلة ...
هذي كل سوالفها ضحك.. وكل شوي تكتب نكته وتضحك لحالها.. وضحكتها طويله تقريبا
ثلاث سطور..
واغلب كلامها بالصور.. تستخدم كل صور الماسنجر وغلطاتها الاملائية عد وخربط..
وتجمع عدة اشخاص في صفحة واحده.. وتتكلم عن ثلاثة مواضيع في وقت واحد..
وتقرا العناوين الرئيسية في الجريدة وتجي تسال عنها.. ينقالها متابعة الاحداث
العالمية ككككككككك.
وكل شوي تغير الصورة الجانبيه.. والنك.. ولون الخط كككككككككك.



السحلية الدفشة
تغيب أيام طويلة مدري وين تروح وترجع فجأة.. وكلماتها مثل.. شخبار امك عساها
طيبة؟ يادلخ.. انقلع.. ضف وجهك.. ابي فزعه.. لاتزعل من اوخيتك تراني اتغشمر..
ودايم تطيح الميانة.. وثقافتها ماتعدى المتوسطه.. وتفكيرها في التقحبص والسيارات
والجيتي والزد.. وتمووت في اغاني الشعبيه..
وماتعرف من العطورات غير دهن العود من هندي بو جنطه.. ولو كلمتها عن ماركة قوتشي او
ديور بتقولك مقاطعة الامريكان.. وضحكتها هع هع هع
وتكتب بلون اسود لانها ماتعرف تغير الالوان كككككككك.


السحلية البريئة
عمرها يكبر وعقلها مايتغير.. مازالت طفله وعلى نياتها.. تثق في كل الناس وبسرعة
تتأثر.. وكل يوم تسألك كم عمرك؟
تعشق سبيس تون وبينك بانثر و تحب تسولف عن الأزياء والتسريحات.. تتواجد في
العصر و المغرب لانها تنام بدري.. ماعدا يوم الخميس طبعا
شعارها الدنيا حلوة.. احيانا تجيك سكتة قلبية من غبائها ومع ذلك هي الاولى في
المدرسه.. لو بلغتها باسرارك بتفضحك في كل المنتديات..
تخاف من الأرنب والقطوه و أي شي يمشي على اربع اريول.. حتى انت لو تمشي على اربع
بتخاف منك كككككككك.


السحلية الشينة
اسمها الحقيقي نوره او ساره او حصه او عنبره او رقيه.. ويعايرونها في البيت ام
ضرس او الحولا او البطه او ام جبهة..
وتجي الماسنجر تتميلح وتقول اسمي مشاعل او فاتن او شهد او ريم..
ودايم تنتقد و مايعجبها العجب.. واذا شافتك مشغول انواع الهواش والشتايم
واذا عطيتها وجه راح تبتلش فيها
تحتار شلون ترضيها.. تعطيها اغنية تقولك ماحب الاغاني.. تعطيها كرت تقولك انا مو
ياهل قدامك.. تشبه سنفور غضبان كل شي يضايقها وكل شي يزعلها..
تكره اليسا ونانسي وتموت في الطقاقات.. ماتعرف تجامل ولاتمدح الا نفسها.. دايم
توصف نفسها بالجمال والرشاقه..
تختار نكات مثل الدلوعة.. الفاتنة.. الماسة.. أميرة.. الى اخره.

السحلية المتزوجة..
هذي ممكن تكون سبب في كرهك للزواج.. كل سوالفها عن مشاكل الزواج و غثى
اعيالها.. وفجأة تقولك برب وتروح تصايح على اعيالها وترجع
وكل يوم تسألك متى ناوي تتزوج عشان نفرح فيك؟ واذا وصل زوجها للبيت تقفل
الماسنجر في وجهك وتطلع من غير لاتقول باي لوووول..
اوقاتها مختلفه مالها وقت محدد.. وترز صورة اعيالها في الماسنجر ينقالها تحبهم
كككككككك.. شعارها يازين حياة العزوبيه
نكها مثل المهمومه.. الجريحه.. المهاجره.. وتحب تسمع الكلام العاطفي وأغاني
عبدالحليم.. مزاجها متقلب مره تضحك ومره تبكي واحيانا تنام على الكي بورد ككككككككك.