تصب × نصب تحذير لكل معلمة قبل التعيين

12-15-2006, 09:34 AM

تصب × نصب تحذير لكل معلمة قبل التعيين

::

هذا موضوع اخذته من الي صار له الموقف اقروا معي

اقسم بالله العظيم هذا اللي صار لي شخصيا
واتنمى اخذ الحذر والحيطة
اتصال هاتفي على منزلنا
المتحدث مؤدب بشكل فوق التصور
يسال عن فلان بن فلان صاحب البيت وكانه يعرفه اقصد ابوووووووي
الاتصال تم يو م الاربعاء الساعة 2:30 مساء
وين فلان ابي اكلمه
ردت الوالدة لحظة
وصل ابوي وياهلا ويامرحبا
المتصل : ابشرك بنتك جاء لها تعيين في منطقة كذا << اختي متخرجة وجالسة تعد ايام التعيين
ابوي : بصراحة بعيد المنطقة عنا ولا يمكننا نوديها هناك
المتصل : ياعم والله ودي بالاقرب لكن ش فلك واسطة
ابوي : ما عندي معرفة بالوزارةا و بالديوان
المتصل : في رجل يمكن يخدمك
ابوي : وشلون
المتصل : خلني اشوفه قبل واتصل عليك وهذا رقم جوالي << واعطى ابوي رقم جواله >>
المغرب يوم الاربعاء ليلة الخميس اتصل على تلفون البيت الثابت
خالد : هلا
المتصل : ياهلا فيك وين الوالد
خالد : الوالد ما هوب موجود امرني << ابوي معلمن بالسالفة ولا يدري من الرجال ومطنش
المتصل : بغيته بسالفة
خالد : قصدك سالفة التعيين الوالد بلغن ي باللي صار
المتصل : انت ولده
خالد : نعم واسمي خاالد
المتصل : اسمع ياخالد
خالد : سم
المتصل : الرجال تزهل لي بالموضوع وبيقربها لداخل منطقتكم لاني والله ما لي الا الدعوة الخالصة منك ومن ابوك
خالد : (( كلامه فرحني وصوووووووت للماما والاخت المقرودة)) وقلت بارك الله فيك وعساني اقدر ارد لك الجميل
المتصل : الرجال يبي اتعابه
خالد: ( ( علامة استفهام وتعجب صار ماي فيس )) يعني دراهم قصدك
المتصل : خالد وربي مالي فيها شي وقعد يحلف بالله وكلامه يذوب الحديد
خالد : وش الضمان انك ما تنصب علينا ؟؟
المتصل : اولا وشلون عرفت رقمكم الثابت وولون عرفت ان اختك فلانه مقدمة علينا بالوزارة ياحبيبي لو عندك شك بكلامي لا تتهمني وابي اخلي تعيينها على القرار السابق وانا بصراحة منكموفيكم يعني يومن قريت الاسم لقيتكم من قبيلتي وقعد يهايط وانا ارتفع وتاخذني العزة بالاثم
خالد: كم يبي الرجال ؟؟
المتصل:8000 رياال ولو قررت ارسل لك رقم الحساب بس اسمع الرجال يبي الدراهم في حسابه الليلة والسبت تابع الجريدة واعطني فاكس ارسل لكل القرار
خالد : خير ان شاء الله ارسل لي رقم الحساب .. ((( الملعون اسلوبه رووووووووعة )))
بلغت الوالد والوالدة وبقية افراد الاسرة وقال الغالبية منهم اوكي بصراحة ماكنت مرتاح للسالفة ))
ارسل ل يرقم الحساب والاسم كامل <<< واثق لابارك الله فيه
رحت للصراف وانا كلي حيرة وانا احط البطاقة اتصلت عليه وقلت له يافلان وربي خايف انك تنصب علي
قال انا عاهدتك بربي
حولت الدراهم
ولا عاد يرد علي
وطارت الدراهم وطارت الوظيفة

ياجماعة في ناس جالسة تتصيد في ملفات المتقدمين على الوظائف وتمرر ارقام الاتصال للغير بالاسماء والناس للاسف طيبين بزود

حذووووووووووووووووووا حذركم
ولله ثم والله ثم والله هذي سالفتي من النصاب وحبيت اقولها لكم
حتى ما تطيحون طيحتي

قسم بالله نصب بسألكم
انت لو بمكان خالد وش تسوي بعد مانصبوا عليك؟؟
هل خالد غلطان من أول تصرفه؟
نقدر نوصل للنصاب من رقم جواله أو حسابة

عندما سمعت هذا الخبر تساقطعت دموعي لما حصل
أستغفر الله كيف وصل النصب أستغفر الله
احذروهم أخواني وأخواتي
لكم من الورد أطيبه
صباح الورد

12-16-2006, 12:10 PM

عزيزتي الغالية صباح
يشرفني ويسعدني المرور الدائم على طرحك القيم
كما اشكرك على ما خطته اناملك من كلمات مفيده
جزاك الله خيراً

12-16-2006, 03:12 PM

يسعدني مرورك الأول

الكاسب
الرائع هو مرورك الجميل
دائما يسعدني مرورك الجميل والمميز
جميل جدا مرورك
يعطيك ألف عافيه
كم يسعدني أن أجدك هنا
كم يسعدني قرائتك ماأطرحه لكم
بارك الله فيك
لك من الورد أطيبه
صباح الورد

12-17-2006, 10:21 PM

وصلوا لهذه الدرجه

جزاك الله خير

دمت بود

تمرد

12-20-2006, 12:04 PM

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

صباح الورد

ألف ألف شكر على ماطرحته من روائع اختي ..
اشكركِ سيدتي على موضوعك الجميل ..

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

[فقط الأعضاء المسجلين والمفعلين يمكنهم رؤية الوصلات . إضغط هنا للتسجيل]

اخووووووووووووووووووك

12-20-2006, 10:25 PM

غاليتي
دمعة المجروح
الرائع هو مرورك الجميل
دائما يسعدني مرورك الجميل والمميز
جميل جدا مرورك
يعطيك ألف عافيه
كم يسعدني أن أجدك هنا
كم يسعدني قرائتك ماأطرحه لكم
بارك الله فيك
لك من الورد أطيبه
صباح الورد

تصب × نصب تحذير لكل معلمة قبل التعيين

التربية والتعليم