&&& كــــــلـــــــك خــــــيــــــــانــــــــه &&&

لاجيت ابنسى واتراجع واسامحـك
صاحن جروحي واشتكن لي طعونك


كلك خيانه قول وشلـون ابمنحـك
وش موقفك من شخص دايم يخونك


اكبر خطا لو جيت يمك اصالحـك
اوّل تحـوّل لاتـغـرّك إلحـونـك


اللي تقوله صح لو كنـت جارحـك
(مير) انت غارق للاسف في ظنونك


وصفك نسيته بس باقـي ملامحـك
بنهيـك وانهـي بالنهايـة جنونـك


ماتستحق (امد) كفـي واصافحـك
مثلك غلط عمري وابحيـا بدونـك


لعبت دورك شاهدات(ن) مسارحـك
خدعتني واظهرت خافـي فنونـك


كنت اعتقد قلبي هو ابرز مطامحك
اللي يبيع النـاس لجلـه يصونـك


تعبت اسوق الشوق يمك واصارحك
اخلصت لك بالحب شوفت عيونـك


لكن خسارة صرت غاية مصالحـك
ياليتنـي ماجيـت لحظـة بكونـك


بالامس كنت بنشوت الحب امازحك
اخيل برقـك واتحـرى امزونـك


واليوم من صفحة حياتي ابمسحـك
هديت صرحك ثم طاحت اركونـك


ولابي عيوني لو تصورت تلمحـك
اعلنت موتك وانسجن لـي كفونـك


وان جيت تطلب ترتجيني اسامحـك
بهديك طعنة مـن بقايـا طعونـك


تحياتي::

*** مــــغــــتــــ في عذاب ــــــرب ***