الليله .. الليله

الليلـه الليلـه الطـاروق يبغـالـه =نار ٍ توهـج وهاجـوس ٍ يصاليهـا
تزاحم الشعر والشاعر علـى بالـه =علوم يجهربهـا وعلـوم يخفيهـا
وطعون غبرالسنين وهـرج عذالـه =ياكبرهافي عيـون اللـي يحاتيهـا
الى تريّح فضيـخ القلـب والدالـه =عينه من النـوم تلقـى مايقزيهـا
حـر ٍ وقـع فـي وسـط محبالـه =يبغى العشا واقضبته الناس بيديهـا
عزيز نفس ٍ ونزل في غيرمنزالـه =لوان دعواه فيهـا بعـض مافيهـا
يبغى الفرج من بني عمه ولاجالـه =يزهـم وربعـه ملقيتـه علابيهـا
والطيب والموقف الغصّاب ورجالـه =والله لاعدهـا الليلـه باساميـهـا
المدح ماكـل مـن يبغـاه يحتالـه =يبغـى قلـوب ٍ مثبـت ٍ كراسيهـا
يبغى مثل راشد ابوشهاب واشكالـه =اللي الى قال كلمـه مارجـع فيهـا
شيخ ٍ الى كبرت القالـه رجعنالـه =وتصغر كبار الامور الى سعى فيهـا
كلمة نعـم عندكـل النـاس تثنالـه =ومقـدرا ً عندقاصيهـا ودانيـهـا
حفيد شيخ ٍ يقول ويحتمـي القالـه =عقيـد قـوم ٍ معربـة ٍ عزاويهـا
شيخ ٍ يفك السجيـن وطيّـبٍ فالـه =والى درع في جموع القوم يفنيهـا
كم راس شيخ بحدالسيـف يشتالـه =من سرجها لين تاطـاه بمواطيهـا
من هيبته مات محد شِرب فنجالـه =عـز ٍ مـن الله للعليـا وراعيهـا
عقيدنا وانت ياراشـد مِـن عيالـه =واحفاد الاجـواد مايختـل ماضيهـا
تكفى ياراشد سهوم المـوت قتالـه =واظـن ماللجـروح الا مداويـهـا
يامسندي ذاخـرك لليـوم وامثالـه =لاتخلف الهقوه اللي فيـك هاقيهـا
والله ماعذرك ياراشد غير في حاله =اللي مايقدر علـى الوقفـه يخليهـا
لكن ترى الذيب ماله عذر من خاله =اللي علومه علوم ومبتلـش فيهـا
اللي ظروف الزمان تحطـم آمالـه =وايامهـا كنهـا عـنـده لياليـهـا
عيا زمانه يسانـع لـه ويصفالـه =والنفس ماكـل ماتلقـاه يرضيهـا
شافت حبربش زمان المال وانذالـه =مراجل الناس صارت في مخابيهـا
يقّدَم العبد والصانع !! لجـل مالـه =وتهان الاجواد لان الفقـر واطيهـا
وانا اتعجب لميل الوقـت واهوالـه =والاترى النفس رب البيت مغنيهـا
والتبع ماشـره عليـه ولا اتعنالـه =والديره اللي تظم الـلاش ماجيهـا
افخربربعي هـل الـردات والطالـه =وانصا منازل كبار القـوم واجيهـا
مثل ابوسالم ذرا المحتـاج وظلالـه =اللي ورانـا قِـدم رجلـه معنيهـا
الظاهر انـه مخلينـي علـى بالـه =ودعواي عنده من اولهـا لتاليهـا
ماغير حر ٍ وقع له وسـط محبالـه =وانصاد قبل يتعشـا مـن ثناديهـا
وابغاك بالجاه تشفـع لـه وترفالـه =الحمله اللـي يقـال انـه مسويهـا
واللي مايارد على هـداج وحبالـه =ماشرب من بارد الجمـه وصافيهـا
واللي ليا احتجت تقصر دوني افعاله =افعاله اللي على الفاقـات مابغيهـا
مابغيه في الحشر يعطيني من اعماله =ابغا حقـوق العوانـي عندعانيهـا
وا لبسه مـن قِـدم ماطـاه لعقالـه =منظومة ٍ من بحور الشعر جانيهـا
قصيدة ٍ من سمان الشعر وجزالـه =من سمعها قال صح لسان راعيهـا
تنظم على اسمه وتكتب له وتقرالـه =فريـدة النـوع زاهيتـه وزاهيهـا